اكمل المثل الشعبى واكتب غيره
<
فى هذا الموضوع نتداول امثال شعبيه خليجيه فقط , سجل المثل ناقص وخلو الشباب يحلونه , واللى يحله اول يحط مثل غيره , شرايكم اخوانى ,, بسم الله نبتدى ,, ((( انفخ ياشريم , قال مامن ........ ))اكمل المثل وحط غيره ؟ |
< مشكور اخوي حد الرهيف على هذا الموضوع
انفخ ياشريم , قال مامن برطم اذا صار صاحبك عسل ...... |
< (( اذا صار صاحبك عسل , لاتاكله كله )) مشكور ياراشد وخلونا نستمر .... |
< (( من سبق ........ ؟ |
< هلا أخوي حد الرهيف
(( من سبق لبق )) وافق شن ..........؟ |
< ((( وافق شن طبقه ))) بالسعودى والكويتى (( حقن وافق طبقه )) تسلم بوخالد لاهنت |
< (( الجمل جمل كروى , والمشعاب من .................... ؟ |
< هلا والله بحد الرهيف الله مير يسلمن ويسلمك هذي هي المشاركات الحلوة تنسينن الشهادة والوظيفة ( الجمل جمل كروى ، والمشعاب من خشب ) اللي بعده ،،،،،، ( مافيه احسن من الهايلوكس لو تركب .......... ) ولا تتعب افكارك ( مافيه احسن من الهايلوكس لو تركب بوكس ) :c040: والبوكس عند بعض العامة الصالون او المتعارف عليه السوبر بان طيّب ( من جد وجد ومن زرع ............. ؟ |
< (( الجمل جمل كروى , والمشعاب من شجره )) طوفتها لك ياعاشق نجد هاالمره ؟ وقلنا صح ؟ الساعه المباركه . (( من جد وجد ومن زرع حصد )) |
< اكمل المثل الاتى (( الدار دار ابونا , والقوم ............. ؟)) |
< الله مير يسلمن ويسلمك حد الرهيف الدار دار ابونا والقوم طردونا يصح وإلا ( حتى الخنفس ...................:c015: |
< عــاشق نجــد
( حتى الخنفس يفســـــي) ويـــن ولـــد امير الشمل من مثلــك |
< الى بغيـــت تضمـــــه اســــــأل عــن ،،،،،،،،،،،،،،،،،،،،،،،،،،،،
|
< ((( الى بغيت تضمها اسأل عن امها ))) ترى صح اجابتى ياالعروان وابحط مثل غيره حسب اتفاق اللعبه ((( من طق طبله , قال أنا ........ ))) |
< العروان الله مير يسلمن ويسلمك اسمحلي ماعندك سالفة بالنقلينزي اجابك خظاء حتى الخنفس ................ على فكرة عندي جايزة لمن يتوصل للحل الصحيح فنتظروها :c040: |
< يلا ياعاشق نجد خلصنا ؟ الشباب رجعو , ودنا نكمل الموضوع علقتنا لاجائزه ولااجابه منك ؟؟؟ بأنتظارك ؟ |
< مرحبا بالغالي حد الرهيف لغز عاشق نجد مادام ماأحد وصل له وش رأيك نستأجر الهايلوكس اللي معه ونروح ندور عليه من شأن الجايزة اللي دوخنا بها والله يستر منها على العموم بعطيكم مثل وعليكم التكملة وبعدين نكمل مثل عاشق نجد المثل يقول ( مثل الثيّل ما ينقطع ........... ) |
< الغالى بوخالد , والله انك على حق , خل عاشق نجد يجلب الرطب تراه مهو يمنا , مشغول باالبيع ؟؟
(( عن الارض )) او (( ممشاه )) صح بوخالد ولا لا . |
< الغالي حد الرهيف الظاهر حل لغز عاشق نجد ( حتى الخنفس .......... ) هو ( حتى الخنفس ينفس ) أما إجابتك على لغزي فهي غير صحيحة لكن ما أنت بعيد حاول مرة أخرى يعطيك العافية |
< (( مثل الثيل ماينقطع بذره )) صح بوخالد ولا لا . |
< الغالي حد الرهيف يعطيك العافية الإجابة غير صحيحة ومثل ما قلت لك سابق أنت قريب منها الأخوة والأخوات وين مداخلاتكم في تكملة الأمثال ؟ ننتظر منكم ذلك |
< غالينه بوخالد وابن العم : مثل الثيل ماينقطع عرقه ؟ ها بشر صح او لا ؟ تكفه ولد عمى غششنى ؟ ناطرك بوخالد؟ |
< كفو والله جبتها ياطيّب الأصل
( مثل الثيل ما ينقطع عرقه ) يالله عطنا جديدك |
< استلمو ؟ (( الدار دار ابونا والقوم ............ ))
|
< الغالي حد الرهيف سبق أن أعد هذا المثل وأجاب عليه راعي الرطب ( عاشق نجد )
يوم يشغلنا بمثله ( حتى الخنفس .......... ) نبي شيء غير مكرر |
< استلموووووووو ياالربع ,,
(( ان حبتك عينى , ماضامك ...... ؟ )) |
| الساعة الآن 10:12 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by