سلامات والحمدالله على السلامه
<
الحمدلله على السلامه ...... سالم ان شاء الله ياالعروااااان http://lh6.ggpht.com/_N6umQHg-WDw/S1...10)[4].jpg استعار الاخ العرواااان الدينا العائده ملكيتها للاخ القبانى لشراء الاعلاف للحلال وفى الطريق حصل ماحصل والله قدر ولطف وبدور نقول للقباني راحت الدينا الله يخلف لان العروااان محمل الاعلاف ويفحط فى الدينا فى طريق .......... ولهذه الاسباب انقلبت . الله يخلف عليك يالقباني على اللورى اللى راح ............. |
< الله يهديه العروان
هو محمل الشعير والمكعبات ماسك خط "المزاحمية " " جو " الزراعي على باله منحاش من نظام ساهر .. مركب كفرات " تواير " اندونسية بعد الطمع ضيع ما جمع .. على فكرة تراني مأمن على السيارة .. لكن طريقة العروان خربت علي التأمين ،، لانه محمل فوق الطاقة ،، لكن ما يكون إلا خير بنطلعها من عيونه والكفيل محمد القباني :c040: |
< الحمد لله على السلامه يالعروان وماتشوف شر
هذا طال عمركم العروان محمل اكياس بر وطحين وسكر ناوي يوديها صوب باكستان الشقيقه لما مرهم من الفيضانات والجوع واهمال الدول عن مساعدة باكستان فقال وهوا امام التلفزيون مقولته المشهورة التي سوف تسجل له بماء الذهب الصافي قال:((أنا لها وانا ابن عروان)) ولكن القدر ماساعده ونقول له جمالتك وصلت والنيه مطيه |
< الله لايسلم في عدوه مغز إبرة :a042: إلا غشيم ومتعافي وإلا قد شفتوا واحد يسقط من يمين :e0025: والحمولة زايدة والله من يوم شفته طاق اللطمه عشان مايكشفه ساهر وأنا داري إنه بيجيب العيد الله لايعيده لكن الشرهه على فادي اللي غرر به وعلمه السواقه لو خلاه على سيكله :a116: الست والعشرين كان ماجاب الطعه مثل ماشفتوا حسبي الله على عدوه فشلني مع القباني وكفالتي له لكن أبشر يالقباني كلها أيام ويجي رمضان تعال لمكة وخذ لك عمره وسيّر علي بجده وما لك إلا مايرضيك فطور يحبه قلبك حاشي سمك محشي بالمنتو واليغمش والفرموزا |
< اقتباس:
الله يسامحك يابوخالد يغموش فرموزا المنتو !!!!!!!!!!!!!! شسالفه ناوى تسحر العرواان فى جده !!!!!!!!!!!!!! هذى طلاسم مو اكلات ؟؟؟؟؟ |
< اقتباس:
|
< الحمدلله على السلامة يابوعليم ارفق ياخوي على نفسك
|
< ياساتر وشذا الحموله .
سلامات العروان . مع ان شكل الصورة غريب .. ماتحس انها حولنا وحوالينا كنها جايتن من بعيد !؟ بس حلوه حد الرهيف . لأن العروان عليه مقالب ....غير طبيعية ..... ما يسويها إلا هو . عندك اياه .. تحياتي للجميع ،،، |
< اقتباس:
وشسوى ياابن جنيف متعبنا فى ذا القش ولاعلاف , وفوق هذا ماعنده لورى , مانقدر عليه نحبه ونغليه مانرده |
< اقتباس:
لابالله مانى بجاى لاجده ولاغيره , انا ماامشى الامع العروان , وجايينكم باللورى العايدى حقى والعروان يبى يسوقه ؟؟ الله يستر كان ماننقلب فى وديان الطايف !!!! يالله سترك الظافى |
< تعقيبن على موضوع الحد الرهيف يسر مكتب العروان
للنقل البري وما ورى البحار المتعهد بتوصيل الاعلاف ان يوضح ماحصل لجميع الاخوان وهو كالاتي فانا متسبب وعلى قولتهم مدور عيشه وقد عرضت علي هذه الشاحنه المبروكه وبتقصيد ميسر من المالك الحقيقي (القباني)بمبلغ وقدرة( 3780)ريال تم دفع مقدم( 780)ريال وتم الاتفاق على دفع الباقي بأقساط شهرية (177 )ر س ولعدم ثقة المالك بالمستاجر لم يقم (القباني)بنقل ملكية الشاحنه لاسمي واصر على رهن الاوراق الثبوتيه لتلك المركبه حتى تسديد باقي المستحقات ومن عدم ثقته طلب مني كفيل (غارم) ومن حسن الحظ وصفا نيتي تشاهدون وتسمعون بنظام يسمى (ساهر) وهو ما جعل المالك يتكبد خسائر طائلة بسبب ما يرتكبه (المستاجر) وعدم المبالاه بهذا النظام مع العلم بان ماتم بحق هذه الشاحنه من مخالفات مروريه يتجاوز باضعاف قيمة المركبه (المنكوبه) وباستطاعتكم التاكد من ذلك عند الرجوع للصندوق (الاسود ) هذا اذا تم العثور عليه اما بالنسبه للحادث فهي كانت متجهه (لولد بداح) واثناء الذهاب (بالجمل وماحمل) تلقى كبتن المركبه اتصال من احد الدول المجاورة (الحد الرهيف) وتم بعد ذلك بتغيير مسار الرحله بعد الاغراءات حيث تم دفع مبلغ يفوق مادفعة(ولد بداح)200/100وتم الاتجاه على الفور وبالسرعه جنونيه (السبوق ينثر الغبوق) ترجم يالحد الرهيف وحصل ماحصل (للموج الازرق)وبالنسبه لي فانا قد الغيت الاتفاقية (الي هذا اوله ينعاف تاليه) وسلعه ماهيب مباركه لاهي ولامن باعها |
< اقتباس:
ياويلنا ويلاه من ذا المكتب , غبوق وصبوح وتنثره , كدينا خير |
< اقتباس:
الطمع هو اللي خلاكم تنقلبون والصراحه مالوم الضعيّف مالك السيارة يوم ما وثق فيكم لآنه شاف مرتكم الصراحه من شاف لون موتركم مارجا وراكم خير |
< اقتباس:
ومن عشق الكفيل للعالمي وحبه له شف شارط ان تكون اكياس الشعيرمطلية بالون الأصفر خلها تنفعه عدم ثقتة السيارة بسمه وقسايم ساهر على ظهره والله يعينه على المراجعة في هالشهر الفضيل |
< اقتباس:
|
< يالربع انتم شانين حمله ضد العروان وكل يحط عليه من صوب والرجال والنعم
1/إن جت طلعة بر مايزين العيشه الا العروان 2/ وان جت سوالف وجلسة مراكي مايسولف ويوسع صدوركم الا العروان 3/وان سافرت وهو معك مايسوق بك الا العروان 4/وان بغيت تسوي في احد مقلب استعنت بالعروان 5/وإذا عزمك احد على كبسة ضب او اكله انت ماتاكلها وفي هذة الحظة العروان معك أكلها وانقذك من الموقف 6/بتروح البر وتقابل شيبان الباديه ماتعرف كلامهم يترجمها لك العروان على طول 7/إذا حجرك احد في موقف محرج صعبه تخرج منه العروان في الخدمه يطلعك منه زي السلام عليكم 8/بتشري سيارة وماعرفت تكاسر في سعرها ناد العروان تاخذها بنص القيمه بالعربي العروان ثمانيه في واحد (صارمكعب وافي مهوب العروان)؟ الصراحه انتم ضالمينه ماعطيتوه حقه ولو يترك المنتدى ان يسكر المنتدى من قل المرتادين له هذا كنز لكم لاتضيعونه واحمدو ربكم ماياخذ عليكم رسوم وما خفي كان اعظم والله يطول في عمره على طاعته ومساعدة اخوانه المسلمين |
| الساعة الآن 12:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by