قصيــدة لشاعر رشــيد بن مساعد القباني

وهي قصيده استغاثه بعد توقف سقوط الأمطار لفترة طويله عن البلاد

عسى الله يبدل ساعة العسر باليسر=وعسى ترجع الديرة لنا عقب الأمحالي
منّك نرتجي الأفراج ياوالي الأمر=أنت اللي تزيل الهم والكرب ياوالي
ياموحي دبيب النمل مع صخرة الحجر=يامحيي هميدٍ خامدٍ ناشفٍ بالي
ويامنزلٍ الروح في ليلة القدر=يارب الملا يامبدل الحال باحوالي
ياوالي القدر ياجابر العظم لأنكسر=يامحصي خشاش الارض من دقّ وجلالي
خلقت آدم من طين ومكونه بشر=وذريته من نطفتاً عاشوا أجيالي
أنت اللي منحت اعبادك السمع والبصر=وأنت اللي تمد العبد باعيال واموالي
أنت الأكرم اللي مدّتك تفلج الصدر=عطاياك ياإلاهي كثيرات وجزالي
يارب الفلق يا مسيّر الشمس والقمر=عبدك يرتجيك ولا تخيب له آمالي
إنا في رجا رحمتك ياكاشف الضرر=أنت اللي تروف بنا بلاشك وجدالي
أنا طالبك نوّ من القبلة يحدر=سحابة عروض وبارقه يشعل اشعالي
تقصّف مقاديمه تقل جملٍ يهدر=يعزّل ربابه والطّفَل فيه يجتالي
والاجاء علىالعارض نثر صادق المطر=سبوع نهار وليل والوبل همّالي
تعوم البطاحي مثل موجٍ من البحر=وهو قد ملا في نجد وديان وهجالي
حقوقٍ يكض الأوديه وإن دمر عَمر=من الشام الى نجران يضرب به أمثالي
هنّيٍ مريّ ينفع البدو والحضر=تردّ المياه ويكثر الخير من تالي
يصيرالسهل والضلع عقب المحل خضر=ثلاثين يوم العشب لإفنوده إقذالي
تتالا الجفاف وذنبنا وقفّ القطر=وفي مجتمعنا ماكل إرباء ومحتالي
وظاهرةً خبيثة شرّها بان وأنتشر=يبيع الفتى دينه بسحتٍ من المالي
ومنع الزكاة أشد وأدهى بلا وامرّ=ثالث ركن في الأسلام وشلون يغتالي
الأرضة بنت في الأرض واستاجع الشجر=وفروع النخل لا شفتها ينعمس بالي
عساني من اللي لا بلي بالقِدر صبر=وعسانا لنا في الآخرة حسن الأعمالي
عسانا لنا حضٍ يجنّب بنا سقر=يجنّب بنا نارٍ تلظّى لها صالي
حطبها الحجر والناس وبعيدة القعر=ولاهوب فال اللي وردها لنا فالي
ترمّي شرارٍ كنّه إجمالة صِفر=ويخلد بها من كانت إذنوبه إثقالي
أنا اعوذبك يارب من كربة القبر=ثبتني على دينك لامن قمتنا سالي
ياعالم سرايرنا لك الحمد والشكر=عسانا من اللي يتبع القول بافعالي
وصلاة وسلامٍ عدّ من حج واعتمر =وتوجّه لمكه داخلٍ ذيك الأميالي

أخوي العروان
بيّض الله وجهك على هالنقل
المميّز وصح الله لسان الشاعر
رشيد بن مساعد القباني

ياموحي دبيب النمل مع صخرة الحجـر=يامحيـي هميـدٍ خامـدٍ ناشـفٍ بالـي
ويامنـزلٍ الـروح فـي ليلـة الـقـدر=يارب المـلا يامبـدل الحـال باحوالـي
أنت الأكرم اللي مدّتـك تفلـج الصـدر=عطايـاك ياإلاهـي كثيـرات وجزالـي

أنـا طالبـك نـوّ مـن القبلـة يحـدر=سحابة عروض وبارقه يشعـل اشعالـي
تقصّـف مقاديمـه تقـل جمـلٍ يهـدر=يعـزّل ربابـه والطّفَـل فيـه يجتالـي

تعوم البطاحي مثل مـوجٍ مـن البحـر=وهو قد ملا في نجـد وديـان وهجالـي
حقوقٍ يكض الأوديه وإن دمـر عَمـر=من الشام الى نجران يضرب به أمثالـي

تتـالا الجفـاف وذنبنـا وقـفّ القطـر=وفي مجتمعنا ماكـل إربـاء ومحتالـي
ومنع الزكاة أشـد وأدهـى بـلا وامـرّ=ثالث ركن في الأسلام وشلـون يغتالـي

وصلاة وسلامٍ عدّ مـن حـج واعتمـر=وتوجّه لمكـه داخـلٍ ذيـك الأميالـي

صح لسان الشاعر رشيد بن مساعد ومشكور يالعروان على طرح القصيدة