بيني وبين الشاعر والراوية رشيد بن مساعد
<
قصيدة من قصائدي القديمة وجهتها للشاعر والراوية رشيد بن مساعد القباني أثناء إقامتي بالمنطقة الشرقية (الدمام) حيث كان مقر العمل قبل أن أغادر تلك المنطقة لمنطقة أخرى من مناطق مملكتنا الحبية وقد تجاوب مشكوراً مع القصيدة وقام بالرد عليها وإليكم القصيدتان حيث البداية بقصيدتي
غريب الدار والجو جو ثاني=غريب الدار يامبعد مكاني غريب ٍ في وسط دار ٍ غريبة=بها سني وشيعي وبحراني رمتني لعبة الأقدار فيها=ووكلت الذي بعينه يراني إلهي يامعين من هو تصبّر=توقيني من صروف الزماني أنا بالشرق شمال من العدامة=على سيف البحر حظي رماني أنا بالشرق وأتخيّل جماعة=وربع ٍ يسكنوا ذيك المباني كرام نفوس طلقين المحيا=صوانيهم مابين كبش ٍ وضأني طبايعهم فعول الوقت الأول=هل النخوة والأفعال الحساني سلامي مع تحياتي إليهم=جميعاً كلهم قاصي وداني وأخص بالذكر شاعر من خوالي=أبومساعد فهيم ٍ للمعاني نصيته يوم جاء للقاف حزة=وأنا اللي من الجوى أشكي وأعاني بعيد ورغبتي شوفة عيالي=وأهل بيتي ومن لي من عواني وجيران ٍ لهم حق ٍ عليّه=عليهم ستر رب المودماني ولا أنسى لحظة ٍ مادمت عايش=مربّيني على طيب المعاني أبوي وأمي أمانة في حياتي=لهم في خافقي قدر ٍ وشاني رعوني من زمن وقت الطفولة=وعطوني مابغيت حب وحناني لاحتى ماكبرت وأشتد عودي=وشفت إن واجبي قرّب وحاني عرفت إنه عليّه واجبات ٍ=فرضها منزّل السبع المثاني وقمت باللي علي أملا ضميري=ولله كل شكري وإمتناني ولاني مقصر ٍ لكن ظروفي=أبد ماجت على الكيف الأماني طويت فريّشي ناهض حجاجي=في خدمة موطني دامه دعاني تفقدت عزبتي وسقت المطايا=أدوّر عيشتي ما أرضى الهواني أكافح وأجتهد وآخذ نصيبي=ما دامي قادر ٍ والعمر فاني الرد من الشاعر رشيد بن مساعد القباني
أنا البارح منام العين شاني=سهرت الليل ماأدري ويش جاني لذيذ النوم ما لجلج بعيني=وترى أسباب السهر خط ٍ لفاني بعثه محمد آل ماضي عليّه=وفي الظرف حدد موقع العنواني يشكي علي من غربته وظروفه=ويقول حظي عن هلي جلاني وفزيت بالمكتوب واللي جابه=فزت محب ٍ شاف له خلاني وحضّرت فكري والقلم أوراقي=والصدر هاض بندّر القيفاني وسطرت من سبر البيوت أجزلها=ولانيب في جزلاتها بحلاني ومانيب أحب الأبيات الهزيلة=ولاخير في قول ٍ بلا برهاني أنا غاية مرامي وإشتياقي=يجن سمان ويرجعن إسماني ترجمة قاف من رصيد فايض=وما في الضمير يعبّره اللساني أنا لو إني بصفح وأتعذر=كان العذر يقنع به الدياني مير أنا في طبيعة عاطفية=لاأوحيت أنا صوت الندى شعاني قم يانديبي سمح الله دربك=وصل معك خطي عساك معاني لامن لفيت أبوخالد فقل له=خلك على الغربة وسيع بطاني طلب معازيبك لزوم ٍ تتمه=إبن الحمولة مايجي كسلاني وفي غربتك توصف لنا جيرانك=وخطوى أجنبي يسوى حد الإخواني وأهم شيء في القصير الصالح=النشمي البشوش المرحباني إصبر والأفراج من الله قريبة=ولاتضيق إلا على الحيواني من قام بالواجب يثيبه ربه=ومع ذا ينول الشكر والعرفاني من جد فأعماله لقى جزاه=يبغى من أصحاب العمل الإتقاني وترى التغرب خارج مملكتنا=خطوى بلد فيها العزيز يهاني وإلا أنت في دارك عزيز ٍ مكرم=مرفوع هامه يازبون الواني الصبر زين ومحمود العواقب=والمؤمن موعود بالإمتحاني وترى مثلك فهيم ٍ مايعلم=ساير زمانك ياعرب المجاني قبلك ترانا من الغربة شكينا=واللي وطاك من العناء وطاني رحنا جنوب لنجران المسمى=وشرق ٍ حدرنا إلى حد إبن ثاني وأيضا شمال رحنا يم عرعر=وغدينا مثل الطير الشقلباني لاجاء الواجب نقوم ونعتني به=مايترك اللزوم إلا الجباني وصلاة الله عدد ما ناض بارق=وماغرّد القمري على الأغصاني وعدد ما هب ذعذاع النسايم=على الرسول محمد العدناني |
< الله الله وينك يابوخالد مبطي ماعطيتنا من هالنوادر صح لسان الوالد الشاعر رشيد بن مساعد وصح لسانك يابوخالد ماتكفي هذي يابوخالد نبي زود طال عمرك |
< صح لسانك يابوخالد وصح لسان الشاعر والراوية رشيد بن مساعد القباني قصائد اكثر من رائعة الله يعطيكم العافية جميعا |
< اقتباس:
ياسلام عليك ياابوخالد ,, وش اقول !! هذا الشبل من ذاك الأسد , صح لسانك ولسان الوالد رشيد ,, تقبل تحياتى |
< اقتباس:
موجود معاكم بالمنتدى ولد بداح صح بدنك وطلبك مجاب بإذن رب العزة والجلال |
< صح لسان الشعراء والله يعطيكم العافية مثل هذه القصائد مطلوبة |
< اقتباس:
صح بدنك ولد العناقيد أشكرك على مرورك وتواصلك ومشكور على الرسالة |
< صح لسانكم ولاتهونون الله يطول بعماركم قصايد ماتجي الا من ناس طيبين |
< اقتباس:
ماعليك زود أخوي الكبير حد الرهيف وصح بدنك أشكرك على المرور |
< اقتباس:
صح بدنك حامل المسك تحياتي لمرورك الكريم |
< اقتباس:
صح بدنك خالد وماعليك زود يالغالي تشرفت بإطلالتك الجميلة |
< محمد انت في ذماتي طيب واسندت على اطيب وش عاد بقول يوقاف تعبيري عنداك انت وابو مساعد عاجز عن الوصف الى ابعد حدوربي شاهد علي
|
< اقتباس:
ماعليك زود أخوي شويشان وتشرفت بمرورك الغالي دمت برعاية رب العزة والجلال |
| الساعة الآن 06:08 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by