يقول ابن جافور وصلو على النبى = تسمعوا ياحاضرين اجلسوها
دن الدواه وهات قرطاس وقلم = واكتب بيوت مثل نقد افلوسها
مثايل من سمعها غنا بها = شوحاتها تقطع ظهر جاسوسها
مثايل متكونتن مخطيبها = يبذ مناحيها اطوال طعوسها
اليا زفر مابى وفاحت مثايلى = من قبة فيها النهوم تدوسها
هبت دواليب الاحيمر وقلقت = زاد الهوى فيها وغمر كوسها
البلد ماعين لها حذر قاعه = كن الجمال المجهمات ادغوسها
ماياتها فيها المراكب سافرت = فيها القريز اللى اكبار انفوسها
وكل الرجال الطيبه تدرانى = حشمه وقدر وشيمة فى روسها
مااخطى وفى حاجتها تلقانى = امحشمه وتروح فى ناموسها
الاالخمايم ماتعرف العانى = لين الجمال الصايكه تدوسها
مايقضى الحاجات كل ادوينى = تظهر اجمال مايطاول روسها
ليا تشربك فى الحبايل وصاته = يثغى كما يثغى اخريف عوسها
ادرى صديقى عن خمال السانى = والاالمعادى عرته ندوسها
ماثور لين ان الخطا يبلانى = عقبه تبين والعلوم احوسها
ومن لايثمن للخطا والجادى = يجيه من سبع السباع فروسها
وانطح ليا منى بليت بلقوى = يابين طيبها ونار نسوسها
ترى الرجال ابهم خنان وطيب = لكن تعدى عن خنانها اضروسها

بادى مرقب والشمس تبغى المغيب = فى تجلى النهار والليل قرب دجاه
اطلب اللى عسانى ان طلبته ماخيب = صايم له نصوح ومجهد باالصلاة
فى شفاعة محمد جعل انا لى نصيب = يوم كل تعادى سايته واحسناه
يامجدى العمى اللى مايحق الدبيب = يوم يمشى مع البيدا يلقط عصاه
اول العمر يطرخ مثل طرخ العسيب = مثل طرخ العسيب اللى كنينن ذراه
العبث باالجهاله والوثن باالمشيب = يوم شيب وشاف الكبر والشيب جاه
قام يدنى بحالة مثل طى الجليب = مثل طين نسع من حدر واقرش حصاه
اول الكبر منه الشوف يدنى قريب = والطواحن تفرق واللحم نش ماه
والنواظر تهدل واللواحى تشيب = والقوايم تخطى ثالثتهن عصاه
ياوصل راس تيمه لويساقا حليب = ومايسره عطاه العود حتنه عواه

يعطيك العافية أخوي حد الرهيف على النقل الطيب
الله يبارك فيك أثريتنا بالمواضيع القيمة لاهنت تقبل تحياتي