سبعان وسهول احد قصائد عبد العزيز الفراج
 

السلام عليكم ورحمة الله وبركاته

سعاطير الحميـا وسـط راسـي
تقادح شعر مـن قـوة حماسـي
هجوسي مرهيه والفكـر مرهـي
واسطر في الورق من قدح راسي
ورى ما اشوش وانا صلب جدي
يروس الروس بالرقم القياسـي
بعد جته الثقه من والـي امـره
وجاء قايد لـوا بامـرً رياسـي
حظرت اشارك بحفلـه وابـارك
ولا هيب امسيه مثـل الاماسـي
يابو سلطـان تستاهـل واكـرر
واذكّر بالشعر من كـان ناسـي
عقيد القوم جـدك وانـت قايـد
لـوا والعلـم مافيـه التباسـي
ما اهنيك انت اهني المنصب اللي
زهيته بين صعبيـن المراسـي
يهنّـا بالكراسـي مـن وصلهـا
وانا فيك انت هنيـت الكراسـي
واهنـي كـل سبعـان الجزيـزه
ولا هان السهول اهلي وناسـي
بني عـم وذراء راس وعوانـي
ماجـات بحكـي ولا بقتبـاسـي
سبيعي وسهلـي والجـد عامـر
هذا الثابت وذا الركن الاساسـي
من ايام الجهل والصـف واحـد
رواسي ثابتـه تدحـم رواسـي
ولا صلنا على العاديـن نبطـش
وبيعتنـا مثـل صـم الرواسـي
تحـت رايـة ملكنـا لا دعانـا
نحظّـر كلنـا عنـده سواسـي
نفرج له و نكعـم مـن يضـده
ومعنا مـا يطيـح الا متواسـي
كـلام مثبـت وفعولـه اثـبـت
انقي كلمتـي واعـرف مقاسـي
بعدهـا للزحـول اللـي ترقـوا
من شعوري ومن صادق احساس
عليكـم بالله وبـعـده ملكـنـا
وعقبـال الجـواز الدبلمـاسـي
واختمها مثـل مبـدا القصيـده
وفيها عنصري مانـي سياسـي
سبيعي وسهلـي والجـد عامـر
هذا الثابت وذا الركن الاساسـي

كفو والله يابن فراج عز الله انك كفيت ووفيت صح لسانك

تسلم يدا ناقلها

صح لسان ابن فراج شاعر عملاق وبيض الله وجهه على هذه القصيدة وشكرا روح القصيد على النقل

يلبى مشكور والله
اى والله نسيت اخذه
اقدر مرورك اخوى