منتديات القبابنة - الشاعر صابر بن رشيد القباني وقصيدة مدح في آل نويف

الشاعر صابر بن رشيد القباني
وقصيدة مدح موجهه إلى آل نويف الكرام

الفكر في مدح الوفيين محتار
لامن طرى لي بيت دورت غيره
أنقى من أفكاري جزيلات الأشعار
وأدور اللي بالمعاني غزيرة
وأسوقها لعيال عمي هل الكار
اللي فضايلهم علينا كثيرة
آل النويف في سماء المجد حضار
مثل النجوم العاليات المنيرة
من لاد قبان طويلين الأشبار
أهل الركايب والسيوف الشطيرة
سهول لهم في صفحة العز تذكار
تاريخهم معروف في كل ديرة
أبومبارك مكرم الضيف والجار
سديد رأي وكلنا نستشيرة
شيخ على ربعه كما الغيث مدرار
الله يزيده من نعيمه وخيره
وصالح تعلى فوق قبات الأمهار
ياطاء على كل الدروب العسيرة
حر تحدر من سلالات أحرار
منصى الرجال أهل الوجيه السفيرة
ونايف عسى ربي يجيره من النار
نايف نظيف القلب صافي السريرة
مايجحد المعروف لو صار ماصار
يمشي على ممشى أبوه ومسيره
والختم صلوا عد ما طاير طار
على نبي سيرته خير سيرة