الشاعر فلاح بن ماضي والشاعر رشيد بن مساعد
<
من أروع وأجمل القصائد هي دائماً ما تكون بين الشعراء أي تلك المتبادلة بينهم والمتعارف عليها بالمساجلات فالشيخ والشاعر فلاح بن ماضي القباني أرسل قصيدة للشاعر والراوية رشيد بن مساعد القباني أترككم تستمتعوا بما جادة به قريحتهما بين الصوت والصدى الصوت
يا زين شبتها صباح وعشيه=في فيضة ٍ ما طبها إلا مطرها يوم إن ولد اللاش ما راح نيه=يتابع الكورة ويسمع خبرها ولا دخل بعض الفياض العذيه=يوم إختلط نوارها مع زهرها ولا قطع بعض الديار الخليه=ما همته سمر الليال وقشرها يا رشيد أنا بقوم حجة ادعيه=يومك تعرف سلوم بدو وحضرها يا راكب اللي شد فوقه حنيه=ما أفتر دالوبه بسهل ووعرها ينحر ربوعي ملحقين الرديه=ذباحة الحايل بسرعة حذرها تكررت منكم علينا خطيه=والصبر لا طوّل بكبد ٍ فجرها لزمت بالترحيب أقصى تحيه=واللي رفع شمسه ونوّر قمرها لي رغبة ٍ لجيّة الربع ليه=من يوم عيد الفطر لآخر شهرها لا شك صارت نية ٍ دون نيه=ضاعت الفرصة علي وتخبرها الصدى
لا هنت يا رجل ٍ بعث لي شكيه=أرسل بيوت ٍ من رصيده صخرها مثايل ٍ فيها المعاني قويه=ما حافها اللي لا ولاها دمرها على ونيت ٍ يقطع الجندليه=جرد الصحاري يوم حرك عبرها يا مرسله كفيت من كل سيه=وسلمت من غبر الليال وكدرها يا مكرم الضيفان رجل الحميه=مثلك إلا من شاف عجفا طمرها كانك تشره يا بو ماضي عليه=رمعاتنا بعض الأمور تعسرها ولا فيه نيه تعتبرها خفيه=كشف بطانتها وكشف ظهرها وأنا أبشرح لك بيان القضيه=وقف بدرب القافلة من قهرها ولو فيه رجال ٍ يخلي خويه=ثوّرت دالوب الغبار بكفرها لا شك عندي للخوي مقدريه=وخوة بعض الأشخاص تعطي ثمرها خاويت أبوفالح زبون الونيه=والطيّب أشري خوته ما خسرها هو قايد الحملة زعيم السريه=خيّال سهلات الدروب ووعرها بهلول هشهوش ٍ يمينه صخيه=ماهوب لا جمّع فلوسه ذخرها في سفرة ٍ زالت هموم ٍ طريه=أناسة ٍ شيطانها ما خشرها والمسلم العاقل يراقب وليه=لمن ألتمس نعمه من الله شكرها لك الشره يا حامي الدوبليه=يا ريف أهل هجن ٍ شكت من جمرها القلب يمك والهدف والنحيه=أنتم صبي العين قرة نظرها يمناك في ذبح الهرافا جريه=كم حايل ٍ قدم الضيوف تعقرها يفداك مثبور ٍ رموعه دنيه=هومات نفسه من العوالي ثبرها ويفداك مفلول ٍ يشح بطليه=يمناه من كسب المراجل قصرها ما فيه ذيك ولا حصل منه ذيه=ولو فاتته طول الدهر ما إعتبرها هذا مردي وأبعثه لك هديه=بيوت ٍ ضمنها من الخطا مختبرها بيوت ٍ لها في المجتمع قابليه=آرد مواردها وأغوص بحرها أرهج بحور ٍ بالجواهر غنيه=وأجيب من غال الجواهر دررها |
< الله الله يابوماضى,,, فى فيضة ماطبها الامطرها ,, هيضتنا يابوخالد ,, وهيضنا بوماضى ,, ورد بومساعد مايحتاج , جزل ونعم باالجميع , صوت وصدى جزل ,, لاهنت على الزين , عطنا ولاتدس شئ ,, تحياتى لك ياالغالى .
|
< غالينا الكبير حد الرهيف شرفني مرورك وشاكرك على التواصل وأبشر بالخير القصيد والعلوم السنعة جايه بالطريق يالغالي دمت برعاية رب العزة والجلال |
< صح لسان ابوماضي وابومساعد ولاهنت يابوخالد على ايراد القصائد المعبرة |
< أخوي الكبير ولد بداح ولا تهون على مرورك الكريم أسعدني هذا التواصل دمت بخير وبحفظ الرحمن |
< يمناك فـي ذبـح الهرافـا جريـه$$$$كم حايل ٍ قـدم الضيـوف تعقرهـا
يفـداك مثبـور ٍ رموعـه دنـيـه$$$$$هومات نفسه مـن العوالـي ثبرهـا ويفـداك مفلـول ٍ يشـح بطلـيـه$$$$يمناه من كسب المراجـل قصرهـا كفوا ابو ماضي ويستاهل المدح وقصايد رائعه من شاعرين جزلين نفتخر بهم بيوت ٍ لهـا فـي المجتمـع قابليـه$$$$$آرد مواردهـا وأغـوص بحرهـا أرهـج بحـور ٍ بالجواهـر غنيـه$$$$$وأجيب من غال الجواهـر درر كفوا يا ابو مساعد وعز الله صدقت ويكفينا في الحكمه هذه الجوهره والمسلـم العاقـل يراقـب ولـيـه$$$$لمن ألتمس نعمه مـن الله شكرهـا فهد ال ثلاب |
< الله الله
صح لسان الشاعرين قصيدتين جزليتن ولو فيـه رجـال ٍ يخلـي خويـه***ثـوّرت دالـوب الغبـار بكفرهـا لا شـك عنـدي للخـوي مقدريـه***وخوة بعض الأشخاص تعطي ثمرها كفووووو يابو مساعد |
< اخوي فهد تشرفت بمرورك يالغالي تقبل تحياتي |
< هلا بك اخوي راشد صح بدنك سعيد بتواجدك بمتصفحي وسعيد بتواصلك وروعة مشاركاتك لك خالص التحية والتقدير |
| الساعة الآن 05:43 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by