الغنم والخسائر
<
بعد التحيه والسلام ,,,
أخواني وأخواتي أعضاء ومشرفين منتديات القبابنة حياكم الله جميعاً خير الكلام ما قل ودل !!! هذا رجال ربعه اقنعوه أن يشتري غنم .. الوكاد شراء الغنم و كان دخله بسيط جداً ومن ثم أضطر على الديون والهموم وتبهذل وحالته يرثى لها... ثم سواء له قصيدة يقول وعمر القارئ يطول : ياقشر وجهي مع وجيه الرجاجيل *** الشيب أشوفه بلحيتي قد نصفها ياليتني ما طعت شور المهابيل *** اللي مع البران تسحب غرفها المستريح اللي ماعنده مطافيل *** مرتاح من هم الغنم مع سلفها السلعة اللي ما وراها محاصيل *** أرباحها عيت تعادل علفها ركضت معها لين شفت البهاذيل *** صديق عينك مايباري طرفها إن قلت كثرت هب عليها سعيبيل *** إما سحبها سحب وإلا نصفها تجمع عليك الدين والهم والويل *** خسارتين نرجي من الله خلفها واحول الراتب على الهند تحويل *** وأصرف على قرقر وأنا ماعرفها ,,, وسلامتكم |
< اقتباس:
واصرف على قرقر وأنا ماعرفها ههههههههههههههههههههههههههههههههه . صح لسانك ياذيبان ولسان قائلها ,, تسلم |
< صح لسانه أكيد شراها وقت ارتفاع الشعير |
< الله يكون في عونه ماقصرت ياذيبان
|
< صح لسانك وصح لسان الشاعر الغنم في هذه الايام متعبة ومكلفة |
| الساعة الآن 06:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by