لاصــار جــدك مـاتـرك لــك ملايـيـن >>>ماهوب لازم تشتـري لـه ضحيـه
<
هذا البيت للشاعر سعود جمعان المطيري وهو من الشعراء المبدعين وذوي الدخل المحدود ويتضح ذلك من قصيده وقد حصل له موقف مضحك قبل فترة قصيرة يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه وهو يتشكى كان مركز بعيونه على سعودجمعان قال له سعود هالأبيات:
يا ابن الحـلال اللـي تشكـى علينـا =حنّا لنا وضع على الله مشاكيه كـانـك تـحـرى للعـطـا مــن يديـنـا =عزالله إنك عندنا ما أنـت لاقيـه ماهو ردى بس أرثع الوقـت فينـا =ماعنـدنـا ماناكـلـه دون نعطـيـه ومره من المرات كان سعود طالع من المسجد ولقى وحدة رافعة يدها وتشحذ عند الباب قال لها سعود:
يابنـت ياللـي بالمساجـد تطوفيـن =كفـي يدينـك قـبـل نـأخـذ ريـالـك حـنــا تـرانــا كـلـنــا مستـحـقـيـن =ماهو أنتي اللي مستحقة لحالك لو لا الحيا شفتـي وزانـك ثلاثيـن =أحـد يميـن منـك وأحـدٍ شمـالـك مـرفـعـيـن إيـديـنـنـا ومتـقـاعـيـن =الموجب إن أحوالنا مثـل حالـك ومرة راح سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري
أنـــا لـقـيــت الـبـنــك مــثــل اخـويـايــه =مايقضـي الحاجـة إلــى جــاه محـتـاج أمــس الضـحـى مـريــت كـــل زمـلايــه =وكــلٍ عـطـى لــه بالمعـاذيـر مـنـهـاج وضنـيـت بـاقـي فــي رصـيــدي بـقـايـه =وحركـت نـاصٍ حـارس البنـك هجـاج ودقـيــت رقـمــي صـــح مـابــه روايـــه =طلع على الشاشة : لا داعي للإزعاج وسعود ما عمره دخل البنك لأنه يقول
يـا أهـل الوظـايـف قـولـوا الحـمـدلله =على معوشتكـم ولـو رزقهـا ضنـك أنــا وجنـسـي رزقـنـا لــو وصـفـنـاه =حوذ الحنك مافيه زودٍ عـن الحنـك مـاطـاح قــرشٍ فــي يديـنـا قرشـنـاه =ودايم طفارى الله يجيـرك ويامنـك الـبـنـك لــــولا لـوحـتــه مـاعـرفـنـاه =من قل ماندخل على موظف البنـك مـاغـيـر نــقــرا لـوحـتــه ونـتـعــداه =وإن قيل هذا البنك قلنا اتركه عنك لاوا هـنــيــك يـالـغــنــاوي هــنــيــاه =تـرقــد وحـنــا بـالـدراهـم نـمـونـك نفـرح إلـى مـن المـعـاش استلمـنـاه =ويـهــج مـنــا قـرشـنــا ويـتـزبـنـك والله يالوتـصـرف ربــع ماصـرفـنـاه =ليصيبك السكر مع الضغط والتنـك ولـولا جهدنـا وجهدنـا الـلـي بذلـناه=ماتنـفـخ ذروبــك وتـمـلأ مخـازنـك مـيـر المـقـدر مالـنـا غـيـر نـرضــاه =مرزقـك منـا وسقمـة أرقابنـا منـك والشاعر سعود جمعان المطيري هو صاحب القصيدة اللي يرددون الناس بيتها الأول دايم وهو مداعبة جميلة وليست واقع والقصيدة هي
لاصــار جــدك مـاتـرك لــك ملايـيـن =ماهوب لازم تشتـري لـه ضحيـه قل له ياجـدي جعلـك مـن المناجيـن =والله ماتـسـوى قيـمـة البـربـريـه عقبتـنـي للـديـن ومـصــارع الـبـيـن =ومن زين طبعك كاتبٍ لك وصيه؟ لو أنت ما أخذ لك من الخد حوشين =يوم الأراض بـلاش وسـط العليـه إن كـان تلقانـي مـن أهـل الدكاكيـن =مطـنـطـخٍ هالـحـيـن مـيــة بـمـيـه لـكــن يـاجــدي ضـحـيـتـك بـعـديــن =إن سـهـل المـولـى ثمنـهـا علـيـه حنا بوقتٍ شين وأشين مـن الشيـن =فيـه الخـوي ماعـاد ياثـق خـويـه الحقيقة انها قصائد فيها من المداعبة الكثير اتمنى ان تحوز على اعجاب زوار المنتدى وقراء الموضوع وسلامتكم |
< اقتباس:
قصائد طريفة وجميللللللللللله وأجل يقول لجده : والله ماتـسـوى قيـمـة البـربـريـه :):) :) ومشكووووور يا ولد بداح أمتعتنا بها القصايد |
< ولد بداح
مشكور على القصائد الجميله ونشهد انه اعجبتنى وبيض الله وجهك |
< شاعر طريف وذابحه القصى , يمال فرقا العين ,, لاهنت ولد بداح
|
< رائع يابن بداح
بيض الله وجهك على حسن الاختيار قصائد لشاعر متمكن |
< الاخ الغالي فهد لاهنت على المرور الكريم والمداخلة الجميلة
|
< ووجهك ابيض يالعروان ولاهنت يالغالي
|
< حد الرهيف مهوب قصى وبس الظاهر ان لاحقه مع القصى دبور الله يستر
|
< اقتباس:
|
< أخوي الكبير ولد بداح لاهنت على المشاركة الأكثر من رائعة التميز عنوانك وأنا أقترح على الأخوة المشرفين والأعضاء ترشيح العضو الفعال لنيل جائزة المنتدى و بدوري سأرشحك وأنا مغمض :c040: تحياتي لك |
< ماعليك زود يابوخالد اذا فيه تميز فهو لك طبعا مشاء الله عليك متميز دائما |
< مشكور أخوي ولد بداح
والله يعطيك العافيه على هذه القصايد الممتعه والمرحه وجده الله يرحمه ماورث له شئ عقبتني للديـن ومصـارع البيـن ومن زين طبعك كاتبٍ لك وصيـه؟ والله الحاله |
< اقتباس:
وش حاله حالة الله يعلم بها يالنايف والا وين ظهر هالقصيد منه مشكور للمرور وشرفتني يالغالي |
| الساعة الآن 03:01 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by