عبدالله بن دويرج ( هدبان )
<
شاعرنا هو عبدالله بن علي بن محمد بن دويرج .. الملقب ( هدبان ) من مواليد قرية جفن في منطقة السرّ بنجد كانت حياته تتسم بشظف العيش والفقر الشديد وهذا ما يتضح بـ أغلب قصائده رحل إلى عنيزة وكانت مدينة مزدهرة نشطه واسعة الخيرات ولكن حياته أستمرت على الفقر والشكوى ففضّل الشاعر التقوقع على النفس والاكتفاء بحياته الكادحه وهو بشاعريته كان يستطيع إقتحام الأوساط الشعرية حوله وفي الخليج العربي حيث كانت الكويت ساحة شعرية زاخرة بالمواهب والاحتكاك والظهور .. كما لا يذكر أنه رحل كغيره إلى الحجاز حيث الملك فيصل حاكما هناك من قبل والده .. وكان يفد إليه الشعراء من كل مكان فيجدون الرعايه ومن يقرأ شعر ابن دويرج يلاحظ الأصالة الشعريه وطول النفس .. لغته الشعرية جزله يعشق العسير من بحور الشعر لقوة قريحته الكلام عن هذا الشاعر رحمة الله يطول .. لكن من خلال قصائده يتضح للقاريء ما أشرنا اليه توفي رحمه الله في عنيزة ودفن فيها عام 1365 هـ وإليكم نماذج من شعره
قال الذي شاف مـن وقتـه امـور عجايـب=يضحك مع اللي ضحك لاشك خاف الهم دابـه البارحه يـا لطيـف الحـال هلّـن الحبايـب=دمع كما وبـل هملـولٍ تطلّـق مـن سحابـه من ضيم دنيا رقص شيطانها بيـن القرايـب=رفيقك الصاغ مثل الموس عضّه فـي قضابـه قالوا تولّع بطـاروق المـودّة وانـت شايـب=قلت ايه نعم ما سمعنا به على المسلم عتابـه قالوا ورا ما تتـوب وقلـت : انـا لله تايـب=الله عن اللي يريد المغفـره مـا صـكّ بابـه بعض العرب ينصحون ونصحهم ماهوب صايب=ايحرّمـون الجـواب ويستحلّـون السبـابـه واهل النصيحه ربيع قلوبهـم بيـع الغلايـب=الحق كـل يعرفـه ميـر ويـن اللـي يهابـه ويش الحول يا الربيعي يا مـورّد كـل هايـب=بالمشكل اللي تبيّن لـي ولـك خافـي عيابـه نشري قماشة بحاضر والمبيعـه بيـع غايـب=بالدفتر اللي على راعيـه مـا يشكـل كتابـه حطوّا وشالوا ولا بيني وبيـن احـدٍ طلايـب=وكل الى عزّلت روحه علـى الوالـي حسابـه وكذلك يقول
قال الذي لاعه مـن البيـن لايـع=الدمع من عينه على الخـد همّـاع وهـو بديـرة مشبعيـن الهلايـع=رجّالهم من لمسة الخشـم جـزّاع بالعز اهلها بيـن شـاري وبايـع=ومن البحر الى البحر ذكرهم شـاع اودعتهم مـن لا يخـون الواديـع=ومن هو وداعة مالك الملك ما ضاع امدح ومدحـي بالمناعيـر ضايـع=ما واحد من فطرته كزّ لـي صـاع ماهوب كلـه بخـل لكـن طبايـع=ما سايل الشبعان عن بطن من جاع بـذل المـروّه بينهـم بالبضايـع=ومن قال زاهف ذاك قاع وذا قـاع السمن في محسوبة الشبـط مايـع=بالمستخص اسمه وهو شكله انواع لاشك هو يحرم علـى كـل جايـع=لا والذي يجري من الريح ذعـذاع يانا ومثلـي مـا نـذوق النوايـع=يا كود من مـدّات معطـي ومنـاع الصدق يذكر من خيـار البضايـع=والكذب علّه من خفيـات الاوجـاع كم واحـد ذكـره بالاقطـار شايـع=لو تطلبه صندوق كبريت ما طـاع مالـه يغطـي بـه عيـوب فنايـع=خالٍ من المعروف للسحـت جمّـاع يوم الملاقا فـي حسـاب الربايـع=خطرٍ الى شاف الثعل منـه يرتـاع فيهم رجال مثـل حصـنٍ طلايـع=بين العنان وغافـره تقـل فـزّاع يلقـى بيـومٍ يكـبـرن الوقـايـع=واف النسب ساقٍ وسمحوق وذراع لا طنّب الصايح وصـارت فزايـع=بالسيف لارقاب المناعيـر قطّـاع لا حذّفن عطـر الجيـوب القنايـع=يقلط امام الجمـع ماهـوب نسّـاع والى بقى منـوة امديـم الزرايـع=يسوق به غال الثمـن كـل زرّاع وصلوا على الهادي لدرب الشرايع=ما ناض برق وغرّد الورق سجّـاع ويقول أيضاً
يا راسي اللي شاب من قبل حينه=مما جرا لي والخلايـق مريحيـن يا قلبي اللي حنّ واطـول حنينـه=حنّة مفاريـد واهلهـن محيليـن سمعت لي علـم حـدث بادعينـه=صنعة حراميّـة ولايـة شياطيـن اللي يشيلـون القريـن وقرينـه=ربيعهم شوف الثنيـن متشاكيـن يا بنت وان كان العـذر تقبلينـه=عذر سمين ان كان قلبك على دين واللي بنى بيت النبـي بالمدينـه=ما قلت فيكم ما يخفض الموازيـن والا فدرب الشيـن لا تذخرينـه=وحنا لمن له عندنا دين مصخيـن واقصى مـداك فهيـد تاتخبّرينـه=والى عطاني كلمةٍ قلت له عشرين وله كذلك
سريت يوم انحى القمـر بتهويفـه=يوم ان كل في لذيـذ الكـرى بـات سرحت ابي لاخوان ميثـا طريفـه=ولا صدت غير غراب واربع قطاوات اطلقـت مسماكـي وجالـه وحيفـه=ودلاّ غراب الجول يرمي بالاصـوات المس غراب الجوال واثـره هديفـه=طـارٍ علـي آكـل ثناديـه نيّـات يالله يـا متلـف عليـه الخليـفـه=تعوضني بإقبـال فـي فايـت فـات وإلى أن يحين لنا الموعد مع شاعر آخر تقبلوا تحياتي ودمتم برعاية رب العزة والجلال |
< جزاك الله خير يابوخالد مشاء الله تبارك الله على غزارة المعلومات |
< أخوي ولد بداح ما عليك زود يالقرم شاكر مرورك ومقدر حضورك دمت برعاية رب العزة والجلال |
< رحمة الله على بن دويرج ياسلام على شعره وقصائده لها روح ,, تسلم بوخالد ولاهنت على المميز ياالغالى
|
< اخوي حد الرهيف مرحبا فيك وفي مرورك الأجمل أسعدتني بتواجدك الدائم كل عام وأنت بخير دمت برعاية رب العزة والجلال |
< مشكوووووووووووووور يابو خالد
|
< لا شكر على واجب بارك الله فيك سلمت يالعروان على المرور |
| الساعة الآن 10:35 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by