ياحمام ٍ على الغابة ينوحي
<
يا حمامٍ على الغابه ينوحي=ساجِعٍ بالطرب لا وا هنيّه قلت: حيّهْ! ولا كنّه بيوحي=مَرْ عَجْلٍ ولا سلّم عليّه واعسى السيل دايم ما يروحِي=ما يْفارقْ جْفار الصالحيه يا شريفهْ متى وِدّك نروحي=يَمّ ديرةْ هَلِك يا العسوجيّه قالت: اصبرْ يطيبنْ الِجروحي=شهَرْ وعَشْرْ وْدنّوا لي مطيّه كنْ في ضامري قِدْرٍ يفوحِي=أو غْروبٍ تُوَامى في ركيّه روح روحي بغت روحي تروحي=يوم قيل الغضيْ فيه جْدريّه جيت أبَشرب وإلى مِسْكٍ يفوحي=غاسْلٍ فيه وضّاح الثنيّه جِعْل زمْلٍ يبي خلّي يروحِي=ينكسر في شعيب الصالحيّه الشاعر / إبراهيم الكنعاني |
< يامحمد وين بتروح انت وشريفه
هههههههههههههه تحياتي لكل اختياراتك يالغالي اسلم |
< اقتباس:
|
< تحياتى لك وصح لسانك يابوخالد , مثل ماقلت لك , دائما تنتقى الدرر , :) .
|
< صح بدنك أخوي حد الرهيف وصح بدن الشاعر ابراهيم الكنعاني مشكور على المرور |
< صح لسانك ولسان الشاعر
|
< صح بدنك العروان ومشكور على المرور |
< ارحــب يامحمــد ولاهنت وصح لسانك ولسان راعيهــــا
اخووك المــان الــعــرب |
< هلا بك ألمان العرب تحياتي لك مرورك جميل يعطيك العافية |
< اسمع بالأبيات واول مرة اعرف الشاعر ماقصرت يابوخالد |
< الحمد لله إني وثقتها بإسم شاعرها تحياتي لك ولد بداح |
< السلام عليكم اخوي
انا الصراحة ما كنت مسجل بهذا المنتدى ولكن يوم قرأت موضوعك قررت التسجيل لا لشيء الا انني احب تصحيح بعض اللبس. اخي هذه القصيده معروفة لدى الكثير من اهل السامري من جميع القبائل ولكن للأسف فقد حرفت ونسبت لغير قائلها. القصيده في الأصل قالها الشاعر خلف بن صنوخ بن جميعان بن جروان الهمزاني الشمري حفيد الشيخ جروان الهمزاني المعروف براعي اللقية أو راعي الكسابة. وقد قيلت هذه القصيده في احدى بنات عمومته وهي سلمى موسى من الطاري من الهمزان قبل ما يقارب 100 عام. واذكر من هذه القصيده البيت اللي يقول فيه الشاعر: يعل زمل يبي سلمى تروحي ينكسر في شعيب الحامرية _____________ شعيب الحامرية المذكور هو احد الاودية في ديار الهمزان ويقع جنوب منطقة حائل حوالي 65 كلم هذا ما أردت توضيحه ولكم جزيل الشكر والإحترام اخوك ابو ليلى |
الساعة الآن 09:42 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by