الشاعر ناصر بن دريع العنقودي القباني

يا نديبي فوق نابي الفقاير=من نبات العشب نيّه ردوم
يم إبن ثلاب منجي العثاير=حمد ٍ اللي جعل عمره يدوم
شيخنا اللي يحتمل للخساير=هو سندنا كل ما جاء اللزوم
لا لفيته خبّره بالسراير=يبتجح لا من لفته العلوم
يوم جانا اللي على الطرش غاير=لاد قبان ٍ رموا بالهدوم
جاك ...... يبغي العشاير=وصلب جدي عرّضوه الحزوم
أرخصوا الأرواح دون الفطاير=دون خلفات ٍ عليها الوسوم
لا لحقنا زايعين العشاير=نشبع السرحان واللي يحوم
خلوا الأطماع وأقفوا كساير=من عثر في وردنا ما يقوم
شرعنا المركاض والعج ثاير=لا غدا البارود مثل الغيوم
لابتي سم ٍ على الكبد جاير=من تلقى حربهم ما ينوم

قال الشاعر القصيدة أعلاه في معركة ( قريات شاهر ) مع إحدى القبائل المعتدية
على القبابنة عندما أرادوا أن يظفروا بإبل القبابنة لكنهم خسروا وإنتصروا القبابنة
عليهم في تلك المعركة مما حدا بالشاعر إلى نظم هذه القصيدة وإرسالها
لأمير القبابنة في الغيل ( حمد بن ثلاب ) يبشره فيها بالنصر

شرعنا المركاض والعج ثايـر=لا غدا البـارود مثـل الغيـوم
لابتي سم ٍ علـى الكبـد جايـر=من تلقـى حربهـم مـا ينـوم

القباني
حياك الله على المرور
ولا شكر على واجب

الغالي فهد
سعيد جداً بمرورك
وحضورك القوي
وبوقفتكم مع بقية المشرفين
سنصل للغاية

حياك الله أخوي
نسل العناقيد
ومشكور على المرور

اخوي ناصر حضرم
شكراً على المرور

العروان
يعطيك العافية
لك الشكر على المرور الجميل
ودمت برعاية رب العزة والجلال

ابوخالد صح لسانك وصح لسان الشاعر ورحمهم الله جميعا
تقبل تحياتي

أخوي فزعة قباني
تشرفت بمرورك الكريم
يعطيك العافية
دمت برعاية رب العزة والجلال

أخوي ولد بداح
صح بدنك
لك التقدير والإحترام
على تواصلك الجميل
كل عام وأنت بخير ودمت برعاية رب العزة والجلال