يمه قرصتني عقربه
<
هلا بحبايبي والله يالكم وحشه مير الله يسلمن ويسلمكم هاليومين مشغول الله لا يشغلن إلا بطاعته فاصل ونواصل فيه محشش راح للدكتور يشتكي انه كل مانام يحلم بقطاوه يلعبون كوره قاله الدكتور : لاتنام يومين قال المحشش : مااقدر لان بكره بيلعبون على النهائي ! :c040: المهم نرجع لموضعنا يقولون الحرب طق وطقيق ولا ندري من اللي بيفوز وولد الربدي صاجن يقول إنهم بيتعادلون وبيلعبون شوتات ترجيح على كل حال بكيفهم العرب ونايمين وحنا موكلين الله والله يالربع إني مشغول وقلت بسير عليكم وأشوف أخباركم بعد الحرب وهلقتل والعياذ بالله مافيه إلا صلخ وصليخ والله اللبنانيين مساكين طاحت العشش اللي عندهم واحرقوا مزارعهم والله الخوفة على شغالتنا له فترة مادقت على مويمتي مدري وش به فاصل ونواصل هذا الله يسلمن ويسلمكم بدوي راح يخطب من حضري سأله : وش اسم اللحية الغانمة ؟ قال الحضري : سكسوكة ! :c040: ويقولون بعد إن فيه أعمى قام يلتح من هالشراب وهو وخوياه المهم داخ قام يبي يسري قالوا له الشله بدري ؟ قال : خلاص معاد أشوف ! :c040: الله يكافي ناس فاضية ماهي مثلي نرجع لهرجنا الأول أقول ماني فاضي ومشغول تدرون ليش هاليومين مقلقن الوالد الله يصلحه مايخلين أسهر مع أهل الإستراحة تدرون ليه عنده نخلتين وشاف نفسه يالله قم ودن قوه للقصيم مشينا لوخيّتي نسلم عليه خرابيط مال أمها داعي بس هو الله يصلحه مشغلن عن هالعالم حتى ودي أسمع الأخبار والحرب وين وصل لي رحنا مع الخط للقصيم ورادو الهايلوكس الله يشفيه يتفتف قصدي يوشوش بس أدربي هالرأس ويالله على هالنخل اللي يسمعن يقول ولد نعمه ياما رقيت النخله ياما نزلت تقل لفت للمثقفين الظاهر إنه ( أسنسير ) مدري وش يسمونه تدودلت جنوبي اعوذ بالله من هالنخل وخذ يا خرافه وهات ياكراتين نعبي من هالبرحي والخلاص والسكري الله يسهل على الهايلوكس أعبي الأديتر شوية مويه وأرفع على عويس في أغنيته المشهورة
رحال عن ديرتك رحال=أسلم عليكم في أمان الله وورررررر ووينك ياسوق الربوة أمس كنت تعيبان شوي قرصتن عقرب وأنا جالس أخرف تدرون ليه يابعد عمري ورأس المال=ياأعز وأغلا عباد الله بلاي تطنزت باللي يغني يمه قرصتني عقربه من تقرب الشارع تقلبه لاهي عسل لا شكليت هذا يذكرن بالمحشش اللي طلعت له حبه في رأسه قال له الدكتور تحكك ؟ قال لا أنا أحكها :c040: المهم سامحونن لي غبت والله ماودي أصير نذل معكم مثل ولد أمير الشمل اللي سافر وخلان بهالظروف الصعبة ليته حي قصدي موجود كان يساعدن بشيل الرطب على هايلوكسه المعفن لكن ظروف الوالد الله يصلحه ماخلا لي وقت فاضي وإلا يازين القعدة معكم وسواليفكم الله يرجكم رجت صميلن غثن فيها ولد أمير الشمل وولد بداح لي ذا الله يرجك الله يرجك مدري وش شايفينن يووووه الساعة ست والحراج قد بدأ إلحق عليه عاشق نجد |
< هلا وغلا بعاشق نجد وشذا الغيبه وعسى السوق زين مع التمر
|
< هلا والله (( بعاشقنا )) قصدى عاشق المنتدى عاشق نجد , وش هاالساعه المباركه والله وشلون السكرى عسا الموسم زين ؟ لاهنت |
< أخييي ولد بداح أخييي حد الرهيف الله مير يسلمن ويسلمكم والله هاليومين أعرج من شفتي نمت ولاغسلت آكلن كليجا من التعب تمددت ونمت بمكاني ذبحن شيل الرطب وتوديته لم الرياض يوم جاء الصبح وصحيت وإلا شفتي أعوذ بالله تقل لستك هايلوكس بيضرب من كثر السطول اللي عليه |
< حسبي الله عليك ياعاشق نجد امس انا كنت في سوق الربوه كل ماشفت واحد يبيع التمر
قلت هذا عاشق نجد وكل مامريت على واحد قلتله كم ارطب ياعاشق ولاحد عبرني |
< وينـــك يا عـــاشق نجـــد من يقدر يتعرف عليـــه في هالصـــوره لــه حملت سيارة رطب وقد تبرع بهــا (حــد الرهيــــف http://www.7mel.com/uploads/86209f69f4.jpg |
< العروان الله مير يسلمن ويسلمك حسبي الله على عدوك تبي تفضحن مير الحمد لله اني معطيك مقفاي ولا بينت بالصورة اما ولد الربدي راح فيها :c040: وللتوضيح اكثر ................ يمين يسار قدام خلف عاشق نجد |
< ههههههههه حلوه |
< الله مير يسلمن ويسلمك زورق ماشاالله تسبحين يعني ماتغرقين شكلك والده بجدة الله من كثر الكوارث والغرق عندهم بلاه قل الدبره والحراميه الي نهبو البلاد والعباد وخربو ولا من شاف ولا من دري خمبقه في خمبقه
|
< هههههههاي سلملم
|
< ربي يعطيك العوافي على الطرح المتألق،،
|
< بسم الله عليك
|
الساعة الآن 07:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by