يقـول بـن قبـان بـدا رأس مرقـب
<
الشاعر / حمود بن رهيش آل نغيمش القباني
يقول بن قبان بدا رأس مرقب=ويخيل قرناس الهواء في فرايده ياراكب ٍ من عندنا عيدهيه=وشدادها تزهى الدويرع بدايده مافوقها إلا الخرج مع مزهب القرا=وصميل ٍ يقرا الضمايا برايده تلفي بنا الظهران كسابة الثناء=يغنوننا بالجود وإنا عوايده جانا المرضّف ناوين نقل عزنا=وإنا في مصلانا ونقرأ مايده ما كن حتوا هيجهم يوم هيّجوا=ما خال سماك ضيّق الماء حشايده ولا كن لجّت بيضنا يوم فرعن=لج القطا في صحصح ٍ شاف صايده وينطلن الستر عنهن وينخن=وإنا لهن ستر ٍ للأرواح بايده تشوّفن يالبيض من اللي تخلف=ومن اللي يعسعس من ورى البيت رايده هذاك سبنه وسبن جده=وحطن من تحت المليثم قلايده قلته وأنا والله ماشفت فشله=ياكود من مدغوش وساع ٍ بنايده وأجنابنا ماغوّر الصوت عنهم=حقهم من البيضاء ثياب ٍ جدايده اللي ضربهم بالقديمي واعتزا=واللي طرح منهم قرينه وعايده جلبهم جلاب لنفس ٍ علينا=في ساعة ٍ والروح قربت زهايده وراح المرضّف عايف ٍ من مالنا=يسحب رزايل قوم ويسب قايده حنا شوي ٍ وانتصرنا عليهم=يوم أشهب البارود شبت وقايده هم أربع أميه بالعد مكمله=وإنا أربعين ٍ ماغلط في عدايده |
< ونعم بآلاد الظهيرى بنى عم وفزعتهم للقبابنه على يام معروفه ولاهى غريبه على الظهران , صح لسان شاعرنا بن رهيش , كلام جزل ووافى وتسلم يابوخالد على القصيده وجمع تاريخ وقصائد القبابنه .. لاهنت . |
< أخوي حد الرهيف تشرفت بمرورك الكريم ومتصفحي يسعد دائماً بإطلالتك المحبوبة لك تحياتي وتقديري |
< صح لسانك ولسان الشاعر
|
< العروان لك الشكر على المرور تحياتي لك |
< يقـول بـن قبـان بـدا رأس مرقـب --------- ويخيل قرنـاس الهـواء فـي فرايـده
رحم الله الشاعر الفحل و بيض الله وجيه الآد الظهيري....علومهم غانمه ما قصرت يا أبوخالد راعي السوالف الطيبه لاد قبان |
< أخوي لاد قبان يعطيك العافية تشرفت بمرورك حفظك الله دمت برعاية رب العزة والجلال |
< رحم الله الشاعر حمود بن رهيش الحوازمة القباني
وقصائدة خالدة ، ومميزة نسال الله له المغفرة والجنة ولي تعليق بسيط على موقف الظهران في المعركة فالظهران لهم مواقف مع القبابنة مشرفة ويستاهلون المدح والثناء عليهم وبالنسبة لهذه المعركه ، فقد جائهم من يطلب منهم المشاركة في المعركة متأخر ... فأخذوا يتشاورون بينهم هل معهم من الوقت ما يكفي لدخول في المعركة ، أم ان المعركة إنتهت فقال لهم أحد الشيوخ الطاعنين في السن : ((يا عيالي ذالا القبابنة والله من يوم عرفت نفسي أنه ما وخذ حلالهم ، واليوم القبابنة بيفكون أنفسهم )) فكان هذا الثناء محل تقدير كبير في نفوس القبابنة يقول ابن رهيش : تلفـي بنـا الظهـران كسابـة الثنـاء*****يغنوننـا بالـجـود وإنــا عـوايـده فالشاعر يصف مدح الشايب للقبابنة وان عوايدهم يفكون انفسهم وحلالهم ولم يشارك الظهران في المعركة ، وذلك لضيق الوقت ، وإلا فمواقفهم مشهودة وأفعالهم معروفه والشكر الجزيل لابو خالد لتزويدنا بهذه القصيدة النادرة وتقبلوا خالص تحياتي فهد ال ثلاب |
< اخوي فهد تشرفت بمرورك وأشكرك على المداخلة يعطيك العافية دمت برعاية رب العزة والجلال |
< رحم الله الشاعر حمود بن رهيش الحوازمة القباني ومشكور يابوخالد على ايراد القصيدة وبيض الله وجهك يافهد على الأيضاح الوارد في مشاركتك |
< لا شكر على واجب تشرفت بمرورك ولد بداح لك خالص الود |
< وينطلـن الستـر عنـهـن وينـخـنوإنـا لهـن ستـر ٍ لـلأرواح بايـده @معاد للحياه ثمراه من بعد نطل الستر والله يعظياك الف عافيه اخوي على هذا النقل
|
< اقتباس:
|
| الساعة الآن 10:12 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by