منتديات القبابنة - من حدر الوادي لقى فيه جنه

هذه القصيدة للشاعر محمد بن صقر البرقي الدرعاني من واهب شهران جاء إلى وادي الدواسر في آخر القرن الحادي وسكن اللدام وقد حصلت له قصة قال من خلالها هذه القصيدة

قـال الصـبـي البـرقـي تهـيـض بـونـة=في موسم (الحمة) مداهيل الاجـواد
الــحــال ونــــه والـعـتـيــم اكـمـلـنــه=(والجـف) تومـي بـه خفـيـات الأنــواد
لــي صـاحـب ٍ وادي الـدواسـر مـغـنـه=وســط الـلـدام ومقيـلـه ظــل وبـــراد
مــن حــدر الــوادي لـقـى فـيــه جـنــة=ومـن سنـد الـوادي لقـى فيـه الاجــواد
(فالله) (درى) عن صاحبي ويش ظنه=هـو يحسـب ان الحـب يمحـاه الابعـاد
لا بــــد عــجــلات الـركـايــب يـجــنــه=في ساعة والنـاس فـي النـوم هجـاد
الـــحـــق والــمــفــرود مـايـاصـلـنــه=يكـون (حــرة) يـبـري تعبـهـا التـجـلاد
وجــدي عليـهـا وجـــد مـــن همـلـنـه=عــيـــرات الـنــضــا لاشـــــراب ولازاد
او وجــــد ســرحــان الــــي حـيـزنــه=سحم الضرايـا واصبـح الصبـح ماصـاد
عـلــى ولـيــف كـــن بــــراق ســنــه=شهـلـول بــردا خيـلـت عـقــب رعـــاد
قلـبـي عليـهـا يـقــرع اقـــراع شـنــه=درهــم بـهـا الركـبـي مـــع كـــل وراد
شبـهـت خـلــي غـرســة مستـكـنـة=او بــكــرة عــقـــرا مـقــاديــم الاذواد
مـا انسـاه كـون الخيـل تنسـا الاعـنـة=والا الحضـر والـبـدو ينـسـون الاعـيـاد
ريـحــه زبـــاد مـــن سـويـقـة مـغـنـه=تلفـي بـه الحجـاج مـن سـوق بـغـداد
وزميـمـه فــي سـلـة الخـشـم كـنــه=يـشـدي زهــر حـوذانــة غـــب بـــراد
شبـه الغـزال الـلـي التواصـيـف مـنـه=خذيتـهـا غـصـب عـلـى كــل حـســاد
فصلـيـت انــا فــرض وخلـيـت سـنــة=شفـق علـى حـديـث مـركـوز الانـهـاد
وخذيتهـا فــي اللـيـل يــوم احجمـنـه=فوق الذلول اللي زهـت خـرج وشـداد
يــوم (القـيـان) الـســود قـــد قـرنـنـه=شـقـر عكاريـشـه عـلـى الـصـدر وراد
زيـنـتـنــا ربـــــع حــــــداد الاســـنـــة=جمع البروق اللي علـى الهـوش وراد