الشاعر صابر بن رشيد القباني وقصيدة مدح في الرائد علي بن عبدالله السرحان القباني
<
قصيدة مدح وثناء في الأخ الرائد/ علي بن عبدالله السرحان القباني
بعض العرب فعله ينومس بني اخيه وبعض العرب فعله يسبب غثاهم أحدٍ يقال ونعم لا حل طاريه واحدٍ على ما قيل خيّب رجاهم الطيب ما كلٍ من الناس راقيه بعيدٍ عن اشناب الرخوم ولحاهم والطيب عسر وكايداتٍ مماشيه الا عن اللي من بغاهم لقاهم من يصنع المعروف بالمثل نجزيه وعسى يعين الله ونلحق جزاهم والحق بقوله ولانيب مخفيه في مدح من ربعه يدور رضاهم هو علي ابن سرحان يا جاهلٍ فيه في المرجله والطيب عارف وفاهم شيخٍ وعشق الطايله من مباديه شيخة وفاء ماهيب شيخة دراهم لا كبرت القالات بانت مساعيه في مقدم الشيخان ما هو وراهم حرٍ ولد حرٍ عريبه مجانيه نسل الرجال اللي يذري ذراهم الحاتمي اللي طوالٍ يمانيه يفداه من تبدي المواقف رداهم الهيلعي اللي بعادٍ هقاويه من يجحد فعوله بلا شك واهم الشاعر/ صابر رشيد القباني |
< هو علي ابن سرحان يا جاهلٍ فيه
في المرجله والطيب عارف وفاهم شيخٍ وعشق الطايله من مباديه شيخة وفاء ماهيب شيخة دراهم لا كبرت القالات بانت مساعيه في مقدم الشيخان ما هو وراهم كفو وصح لسانك |
< صح لسانك وعلا شانك
|
< صح لسانك ويستاهل ابن سرحان
|
< صح لسانك
|
< صح السانك يابو رشيد وكفو المادح والممدوح
|
< صح لسانك
|
< صح لسان الشاعر وبيض الله وجه علي
على فعله الغانم |
< صح لسانك يابورشيد
|
| الساعة الآن 11:42 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by