الشاعر ردن بن عبدالله العصيمي
<
الشاعر ردن بن عبدالله العصيمي
البيض مني يم خطلان الأيدي=اللي لهم في حزة الضيق ميقاف خص السهول اللي كرمهم يزيدي=كما يزيد الغيث في خضر الأرياف بيض الوجيه أهل المقام الحميدي=متوارثين الطيب من طيب الأسلاف تنشر لهم فوق الثريا الجديدي=بيض ٍ تلالا من عديمات الأصناف وأخص منهم بالثناء في قصيدي=قبان وفطيمان وافين الأوصاف أهل المقام اللي يفك الحديدي=زبن الدخيل إليا هبا كل خواف وأهل البيوت اللي ذراها سديدي=يلجا لها اللي شاف فالوقت ما عاف ما يلحقه فالوقت حر وجليدي=مادام في ظل ٍ من الناس مضياف معروفهم مشيوف والعلم أكيدي=والله لأماري به على كل مشراف وألفين نعم وفوقهن المزيدي=للي جمايلهم على متني ارداف ما يجحد المعروف غير المريدي=اللي ليا قضى الغرض نسي الأعراف قال الشاعر ردن العصيمي هذه القصيدة في مدح الشيخ حسين بن علي القباني والشيخ مطلق بن صقر الفطيماني لما لهما من أمجاد عظيمة ومواقف لاتنسى بالإضافة إلى مكارمهم التي لا تعد ولا تحصى |
< صح لسان العصيمى وماقصر ويستاهل حسين بن على عزالله وجه ووجاهه كفو والله , ويستاهل بوصقر الفطيمانى المدح والثناء ,, كفو والله فى بنى عمى ,وماقصرت ياالعصيمى .
مشكور يابوخالد وصح لسانك . |
< اقتباس:
|
< خص السهول اللي كرمهـم يزيـدي كما يزيد الغيث في خضر الأريـاف بيض الوجيه أهل المقـام الحميـدي متوارثين الطيب من طيب الأسـلاف تنشر لهـم فـوق الثريـا الجديـدي بيض ٍ تلالا من عديمـات الأصنـاف وأخص منهم بالثنـاء فـي قصيـدي قبان وفطيمـان وافيـن الأوصـاف يستاهلون القبابنة والفطامين كل خير المدح فيهم غير مستغرب بيض الله وجيههم |
< اقتباس:
حياك الله ابومنصور وماعليكم زود ياطويل العمر تقبل ودي وتقديري |
< صح لسان الشاعر وبيض الله وجهك يابوخالد على ايراد القصيدة |
< اقتباس:
صح بدنك ولد بداح وتحياتي لك على المرور |
< صح لسان العصيمى وماقصر ويستاهل حسين بن علي عزالله وجه ووجاهه كفو والله ويستاهل الفطيمانى المدح والثناء وبيض الله وجهك محمد القباني على توثيق مثل هذه القصائد التي نفتخر بها بين بني عمنا |
< اقتباس:
مرحبا بك هذال تشرفت بمرورك يالغالي ماعليك زود الله يطول بعمرك ويستاهلون اخواننا وربعنا المدح والتمجيد |
< صح اللسان العصيمي على القصيده ويستاهل ابوعلي المد ح اللي هواهل له ومن غير قصور في ابن عمنا الفطيماني وعداتك يابو خالد ماتجيب الا الجزله والله يعطيك الف عافيه على النقل وتقبل مروؤي
|
< اقتباس:
|
< سلمت يابوخــالد وبيّض الله وجهك..وصح الله لسان الشاعر ردن العصيمي..
ويستاهل أبوعلي المدح.. ويستاهل كذلك الفطيماني.. وبيّض الله وجه من يسعى في جمالة ربعه وبني عمه.. |
< اقتباس:
شاكر ومقدر مرورك الجميل دمت برعاية رب العزة والجلال |
< صح لسانك وعلا شانك يستاهلون
|
< اقتباس:
|
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by