سلام ياثلاث قرى بين أضلعي=لها على سطح الخريطة موقعي
الغيل وسند للستارة ثم يمين=تلقى حراضة حاضنه بجبالها
ديار الكرم والجود من عهد ٍ قديم=تاريخهم مايجهله إلا غشيم
حنا بني قبان لااشتد الخطر=نوقف مواقيف ٍ تبين أفعالها
يوم الزمان يشح في وجه الغريب=نشحم له النخلة ونعطيه النصيب
نروي له القربه ونسقي دابته=بذيك النخيل الوارفه بظلالها
عند آل غليظ علمها والعلم بان=قصة قديمة نادرة في هالزمان
لو الزمن ينطق ويدلي بدلوته=وسط مغراء ماغيره اللي قالها
والعلم الآخر عند ابن ذيب الكريم=سلطان وعبدالله لهم فعل ٍ عظيم
أحد ٍ يصوت للعشاء وسط القصر=وأحد ٍ يبهر قهوته بدلالها
وفي الغيل كرمان ٍ يسمون آل جلال=من طيبهم تخضع لهم شم الجبال
قصر صعداء راع الصعيبة وأم طليح=تاريخ بسنين ٍ مضت برجالها
هذي ثلاث والرابعة أم حنون=رنية ومنها حدرت هاك الضعون
هذي الحقيقة يوم وصاهم سعد=مترادفين خيولها وجمالها
حتى أستقرينا وسط نجد الكبير=يفرح بنا القاصي ويأمنا القصير
قبيلة ٍ يشهد لها بين الورى=قبيلة ٍ تلقى الفخر بأبطالها
عشرة فخوذ ٍ عدها واعدادها=من فضل ربي بالمكارم زادها
تاريخهم ثابت ولا فيه اشتباه=هم فزعة المضيوم لا من جاءلها
حنا بني قبان واللي ماعلم=يرجع لتاريخ ٍ مدوّن بالقلم
من رنية الفيحاء حدرنا نازحين=نطوي كبود الأرض طي حبالها
شماسات من لاد الزكورالطيبين=أمجادنا تروى على مر السنين
صولة لنا جولة لنا خيل وقنا=هذي العلوم بدقها وجلالها

المشاركة الأصلية كتبت بواسطة خالد السبيعي (المشاركة 45445) ابوخالد اقف اجلال واحترام لشخصكم الكريم وصح لسانك على القصيدة الرائعة والممجدة بالقبيلة وبقرى القبابنة تحياتي لاعدمتك

المشاركة الأصلية كتبت بواسطة التنديل (المشاركة 45450) سلام ياثلاث قرى وسلام وتحية لك يابوخالد صح لسانك

المشاركة الأصلية كتبت بواسطة ولد الدلم (المشاركة 45455) صح لسانك ابوخالد