" يسري بنا الليل لا نادت مواجعنا ،، ويفرح بنا الهم لا ماتت امانينا "
 

يســري بنــا الليــل ...لانــادت مواجعنــآ
ويفــرح بنــا الهــم .. لامــاتت امانينـــآ



اغــراب .. والحــزن فالغــربه يجمّعنــآ
أجســاد نمشــي .. وتتبعنــا خطاوينــآ


كــان الأمـل فـي ظـلام الوقـت يزرعنــآ
ليــن الليالــي .. تجـي باليــاس تجنينـآ


كنّــا نعلّــم جــروح الوقـــت توجعنــآ
والحــزن .. كنــا نناديــه وينادينـــآ


نكتــب : طريـق المـوادع مايرجعنـــآ
نقــرأ : طريــق المــوادع مايودينـــآ


نبعـد عـن الهـم .. نلقـى الهـم يتبعنـآ
مــن ويــن نبعـد .. نلاقـي همنـا فينــآ


كنّـا .. وهالحيـن كنّـا وش بتنفعنــــآ ؟
نـادى الرحيـل .. وسـرق دربـه خطاوينـآ


رحنـا ورى الحـب .. ليـن الحـب ضيّعـنـآ
مـدري نسيـنا الزمـن .. والا تناسينــا !!


اليـن عشنـا بلا صـوره .. ولا معنــى
ارواح .. تشبـه لنـا ظلمــة ليالينـــآ


واليـوم .. ماعـاد باقـي شي يجمعنــآ
الا الوجــع , والضيــاع , وحـزن ماضينـآ


علـى كثـر ماحلمــنا .. ماتوقعنـــآ
ينسـى الزمــن كيـف كنـا يـــوم حبينــآ


شكـراً .. لإحساسنـا اللـي كـان يخدعنـآ
شكــراً لوقــتٍ خذانــا .. قبــل يعطينــآ


شكــراً لعمـرٍ تركنـا .. قبــل يسمعنــآ
شكــراً لأيامنــا .. اللــي جــت توصينــآ


شكـراً لأحلامنــا اللــي وقفّــت معنـــآ
شكــراً لأحزاننــا .. شكــراً لأغانينــــآ


بكـــت لنــا الارض يـــوم انّــا توادعنـــآ
لأن الارض احضنتنــــــا يــوم " حبينــآآآ "

قصيده جميله تسلم على النقل

صح الله لسان الشاعر .. ولسانك .. ولاهنت