الله مير يسلمن ويسلمك زيزوم
وين أنت يابعدي
والله يالك وحشة
يالقطوع مير ماكن لك
أحباب بالمنتدى
وأصحاب
وأقراب
نسيتن وخليتن أنا وولد الربدي وغيري ندور ونسأل
عليك
على طاري السؤال
أذكر إنهم سألوا عنك وعن هذاك المهندس مساعد
مبطي له كم يوم أو شهر ماأدري
وماقصرت جاوبت عنكم إجابة شافية في منتدى اللقاء والترحيب
هذا أولن
أما ثانين يابعدي
فهو موضوعك بما في معناه
الإطلاع على مجلة المختلف
أعتقد أنك ومن كلامك هو الترويج لهذه المجلة
وعلينا الشراء والإقتناء
وتصفح صفحة خمسطعش
العدد ماقبل الأخير والله حلوة ماقبل الأخير ؟؟؟؟؟؟؟؟؟؟؟
يالغالي يابعدي
المفروض إنك تقولها على بلاطة وتوضح
وش الموضوع لأنه ماكل واحد
بيروح يشتري المجلة وأنت تعرف سعرها علي وصديقي ولد الربدي وعلى غيري
صعب بالحيل
ولاتنسى أنه العدد ماقبل الأخير حلوة ماقبل الأخير ؟؟؟؟؟؟؟؟؟؟؟؟؟؟
وين نلقاه يمديهم ضفوا الأخير من الدكاكين والسوبرماركات وبنده والعزيزية وخواتها
فما بالك بالعدد ماقبل الأخير حلوة ماقبل الأخير ؟؟؟؟؟؟؟؟؟؟؟؟؟
يابعدي
ماأقول إلا تحياتي
وأشواقي
الحارة كالشطة أم ديك :c040:
مهداه لك
من ولد الربدي وصديقه
عاشق نجد