الشاعر بندر بن محمد بن فراج القباني
<
الشعر مواقف وقد تجسد ذلك في قصيدة الشاعر / بندر بن محمد بن فراج ابن السوداء القباني و كان له موقف مع سمو الأمير المرحوم فهد بن سلمان حيث كان والده ( رحمه الله ) يحتاج إلى زرع كلية فتبرع الشاعر بندر له بكليته وكان ذلك على نفقة سمو الأمير ( طيب الله ثراه ) وتخليداً لذكراه الطيبة وعرفاناً بجميله قال الشاعر بندر هذه القصيدة
يا هاجسي هات المعاني بترتيب=هات الجزل ببيوت شعر ٍ عجيبه قص بصخرك واترك قصيد الرعابيب=خل الغزل للي يغازل حبيبه إن كان ما نقصد بطيب المعازيب=وش عاد أبي بالشعر وش عاد أبيبه طيب ٍ مجرب ما يبيله تجاريب=ومن طاب طيب ٍ لازم ٍ ينثنيبه طيب الفهد راع الوفاء والمواجيب=اللي ثناء يوم الخوي ينتخيبه من علة ٍ ما عالجوها الأطابيب=فشل الكلى داء ٍ يتعّب طبيبه قال ابتهج لا تشتكي من عذاريب=خوينا ما يشتكي نعتنيبه نعطيه ما نملك ونرخي له الجيب=حتى يطيب من الجروح العطيبه قول ٍ على فعل ٍ ولا فيه تكذيب=قول ٍ على فعل ٍ ولا هي غريبه ما دام سلمان الأبو منبع الطيب=اللي خذا منه المزايا الصعيبه سلمان أخو نوره عطيب المظاريب=يتعب لسان ٍ ياصفه ويحكيبه هذا الفهد متعب هل الطيب تتعيب=فاق النشاما دون شك ٍ وريبه حليف طيب ٍ ما تحالف مع العيب=حاز المراجل والمراجل تعيبه مثل القمر بين النجوم المراقيب=نوره يضوي في مساري نجيبه مثل الدواء يشفي الجروح المعاطيب=عديم وصف ٍ والنساء ما تجيبه جاه القدر من قبل يظهر به الشيب=ليته تأخر لين يكمل مشيبه والموت سهم ولازم إنه لنا يصيب=ومن طال عمره لازم إنه يصيبه من عقبه أقنب مثل ما يقنب الذيب=ذيب ٍ مجيع ٍ في حجايا رقيبه من عقب غاراته وذيك التخابيب=صابه عمى واقلع ضروسه ونيبه حيله وناء وتعكفن العراقيب=ما باقي ٍ غير جرة قنيبه أقنب سواته وارفع الصوت واجيب=ونة حشى من كبر هول المصيبه ومن لامني يالله عسى يفقد الصيب=يفقد نماه وينقطع كل صيبه راضي بحكمه ولا يجزع من الغيب=ولا يجزع إلا من تردى نصيبه ولا أقول غير الله يالله يا مجيب=يا عالم ٍ سر ابن آدم وغيبه ارحم فهد من سوء نار ٍ وتعذيب=واجعله في وسط الجنان الخصيبه جنات خلد اللي مواعد بها شعيب=يالله تقبل والدعاء تستجيبه والحر الأشقر ما يعقب سناجيب=يرث حرار من مواكر عريبه شقر الحرار اللي تروى المخاليب=اللي صوايدها تصيد الضريبه سلطان واحمد من صلايب معاريب=نسل ٍ عزيز ٍ عز من يعتزيبه هم العوض ما فيه شك ٍ ولا ريب=صلب الفهد فيه العوض يرتجيبه والنار فيها جمر حمر المشاهيب=جمر ٍ تلظى ما يطفي لهيبه وإن كان ما نقصد بطيب المعازيب=وش عاد أبي بالشعر وش عاد أبيبه |
< الله يغفر لهم ويرحمهم جميعا واموات المسلمين وجزاك الله خير يابوخالد |
< صح لسان الشاعر ويستاهلون ورحم الله الامير وابنه , وعز الله انها قصيدة جزله , لاهنت يابوخالد وتسلم ياالغالى على حرصك واهتمامك .
|
< رحم الله ابو بندر وأدخله فسيح جناته
وجزالله الشاعر المعروف بندر خير الجزاء وضاعف الله له الاجر على تبرعه بكليته لوالده ورزقه الله بر أبنائه كما بر أباه وقصيدة رائعة وجزله وصح لسان الشاعر ومناسبتها لها دور في جمال القصيدة ويستاهل المدح الامير فهد بن سلمان وكما قال الاخ بندر : هذا الفهد متعب هل الطيـب تتعيـب******فـاق النشامـا دون شـك ٍ وريبـه حليف طيب ٍ ما تحالف مـع العيـب*******حاز المراجـل والمراجـل تعيبـه مثل القمر بيـن النجـوم المراقيـبن******وره يضوي فـي مسـاري نجيبـه مثل الدواء يشفي الجروح المعاطيب******عديم وصف ٍ والنسـاء مـا تجيبـه جاه القدر من قبل يظهر به الشيـب*****ليتـه تأخـر ليـن يكمـل مشيبـه والموت سهم ولازم إنه لنا يصيـب******ومن طال عمره لازم إنـه يصيبـه وما قصرت يا ابو خالد |
< موقف شهم من بندر لابيه محمد رحمه الله ولقد ذهب مع ابيه إلى امريكا وقام بالتبرع هناك دون ان يعلم والده انها منه . ورحم الله الامير فهد بن سلمان وجعله الله في موازين حسناته .
ونشكر اخينا محمد القباني " ابو خالد " على ماقام به من توثيق هذه القصيدة في المنتدى |
< أخوي ولد بداح مرحبا بك وبمرورك الكريم دمت برعاية رب العزة والجلال |
< الغالي حد الرهيف صح بدنك شاكر مرورك ومقدر حضورك دمت برعاية رب العزة والجلال |
< هلا بك يافهد تشرفت بمرورك الكريم يعطيك العافية شاكر هذا التواصل دمت برعاية رب العزة والجلال |
< أخوي القباني مشكور على المرور بارك الله فيك دمت برعاية رب العزة والجلال |
< ابو خالد
مشكور وبيض الله وجهك |
< الله يرحمهم ويغفر لهم وصح لسان الشاعر بندر بن فراج
|
< العروان ووجهك أبيض ياطويل العمر شاكر مرورك يعطيك العافية |
< m.qabani جزاك الله خير شاكر مرورك ومقدر حضورك تحياتي الخاصة |
< قال الشاعر القديم #ان انت اكرمت الكريما ملاكتهو*ان اكرمت الليم تمردا&وبندر كريم ولد كريم جعل ابوه في جنان النعيم
|
< اقتباس:
|
| الساعة الآن 12:51 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by