غزلية للشاعر / غنيم الخبيش
<
هذه القصيده من روائع الشاعر / غنيم الخبيش في الغزل
ياهل الونيت اللي ورد بأسم طرطوس=تـوه جديـدٍ مـن حفيـز الوكالـه شده بلا شنطـه ولا فوقـه حبـوس=عبارتيـن ولـه طـريـقٍ لحـالـه الله يعديكـم نظـر كـل بـالـوس=بالله عليكـم وصلـوا لـي رسالـه ودي تودا صاحبـي وادفـع فلـوس=ميـر الرجـى فمدوريـن الجمالـه الصاحب اللي حط بالقلـب هاجـوس=انسى الحيا وافـز لا جـاء مجالـه فزت سجينٍ عشرة اعوام محبـوس=يتنى غريـمٍ كبـر اصغـر عيالـه والله نواله عقـب اليـاس نامـوس=جـاه البشيـر وخلـص الله حبالـه على عشيـرٍ دون بيبانـة حـروس=بينـي وبينـه وقـفـوا بالعمـالـه عدوان حسدان خبيثيـن ونجـوس=مـن دون حيلتهـم تقـل الحيـالـه لا بارك الله بالهوى حاسني حـوس=راعية يرخص عنـد نفسـه حلالـه اليوم والبارح وليل امس مظـروس=وتالي الشهر كنـه مبـادي هلالـه اروح وارجع نكس واحوس وادوس=وراعي الموده يشغـل الـود بالـه يازين ياللي وسطك الزين مغـروس=شف صاحبك عقب البطى كيف حاله شفقٍ على لاماك مير الهوى كـوس=ولاصـرت داري غيرنـا لا تسالـه خلك على اللي فات والعلم مـدروس=كود الفلك ينـدار بأحسـن سهالـه في داركم سبعه وسبعيـن جاسـوس=تقطع محل المـال مـن حـر مالـه وأنا هجوسي فيك وقـاف وجلـوس=واحسب لك ايام الشهر مـع ليالـه لامن بغيـت اجيـك للخـد مانـوس=كني سـروقٍ فـوق راسـة خيالـه يروح في طرد الهوى مال ونفـوس=وأن راح روحي فأنت سبـة زوالـه |
< الله يعطيك الف عافيه اخوي الدبلومسي على هذا النقل
|
< اقتباس:
أخوي شويشان.. وتشرفت بمرورك.. |
< الله الله ابوسعد قلبه خضر
لا بارك الله بالهوى حاسني حـوس = راعية يرخص عنـد نفسـه حلالـه
ماقصرت يالدبلوماسي يمال العافية تستاهل الترقية سفير الكلمة على هالمواضيع الرائعة والقيمة تحياتي لك وبإنتظار المزيد |
< اقتباس:
الله يعافيك.. ويطول عمرك.. أخوي ولد بداح.. وتشرفت بمرورك.. وهذا من طيب راسك.. وساسك.. |
<
الصاحب اللي حط بالقلب هاجـوس=انسى الحيا وافـز لا جـاء مجالـه فزت سجينٍ عشرة اعـوام محبـوس=يتنـى غريـمٍ كبـر اصغـر عيالـه والله نوالـه عقـب اليـاس نامـوس=جـاه البشيـر وخلـص الله حبالـه صح لسان الشاعر الكبير غنيم وأطال الله في عمره وبيض الله وجهك يالدبلوماسي على مشاركتك الجميلة ولنا الشرف بتواجدك وحضورك المميز دمت برعاية رب العزة والجلال |
< اقتباس:
اللهم آمين.. ووجهك أبيض أخوي أبوخالد.. والله يقرّب دارك..ويشرّف مقدارك.. |
| الساعة الآن 07:33 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by