يالله أنا من جود حسناك طالبك
<
يالله انا من جود حسناك طـالبك=عفوك ومدك حيث ماانت بخيلي يالآدمي دنياك هذي تعذبك=لوطفت فيها مالقيت الدليلي كل ٍ على مذهـب إمامه يخاطـبك=يبيك من زايد ذنـوبه تشيلي واليا عصيت أهل المذاهب تعتبـك=كل ٍ يقول أبـيك يمي تجيلي ولو انتحيت بعيد بالسـؤ تطلبك=وكـل ٍ بصاعه من ذنوبه يكيلي أحـد ٍ يصحح لك حديثه ويرهبك=وأحد ٍ يقول الحق عندي نزيلي وأحد ٍ يخيفيك في كلامه ويدبك=وابليس يضحك له وهـو مستشيلي الناس عوجان المناطق تكذبك=وعن الصحيح الكذب معهم بديلي إن مارضـيت بقولهم نتف شاربك=وتكبر ذنوبك لوغناك تهليلي ناس ٍ عـلى درب الفضيلة تحاربك=وعلى دروب الشـر تهذل هذيلي ودروبهم عسـرات عـوج وتتعبك=ما تستوي لك لا ولا تستويلي ينبيك عن دنياك ماضي تجاربك=وعزي لحالك كان عرفك قليلي اتبع نبيك واترك اللي مجنبك=واقضب مماشي سنته لا تعيلي اللي بغار الثور للرشد يندبك=وأبوبكر عنده نديم وخليلي نصايحه للرشد حذرا تغايبك=هـرجه صـحيح وكل فعله جميلي سـنة نبيـك للفضيلة تقربك=المصطفى ماله شـــبيه وعديلي وأحذرك عـن نقالة السو تقربك=ومن يتبع العايل لزوم ٍ يعيلي لو أنت ماتغضب ترى الناس تغضبك=وعقب المعزه يجعلونك ذليلي وترى ردي العرق للعيب يجذبك=وتصير بدروب الـردا له عميلي وبنت الردي حذراك حـذراك تعجبك=واحـذر تصير لمثل هذي حليلي وعن مايعيب النسل عرب مناسبك=وعليك في بنت الحصـان الأصيلي يجي ولدها فارق ٍ عن قرايبك=ويقيف في وجه الخصيم القبيلي إن كبرت القالات بالفعل يعجبك=ويبرد هـمومك كان قلبك غليلي مثل القطامي في هداده يشببك=والدم من مخلاب كفه يسيلي ليا صار ماصلبين الأرياء مكاسبك=تراك بين الناس تبقى هـزيلي وترى دروب الخبث يالعبد تذهبك=ويفوت عمرك ما تحصل حصيلي إحذر يابن حوا تطمن لحاجبك=إلا لرب ٍ للخلايق يزيلي اللي بعفوه عن عذابه يرغبك=وعينه لكل الخلق دايم تخيلي في لوحه المحفوظ يالعبد مذهبك=نزل بحق وكل ما به فضيلي ومعاشر الخايب مع الناس يذربك=وتصبح قليل الميز عقلك هبيلي ومعاشـر الطيّب على الطيب يجلبك=ويرقيك للعليا بظل ٍ ظليلي لا تقرب الأجرب بالأمراض يعطـبك=يصير جسمك مثل جسمه عليلي ممشى الخنا من صافي العقل يسلبك=ويصير لك يم الرذيلة سبيلي وعـن مارد الأنذال نزه مشاربك=واشرب نظـيف لو ورادك طويلي ولياك تنسى يابن الأجواد واجبك=واللي يروم المجد حمله ثقيلي يالآدمي وإن كان كبرت مصايبك=إزبن على محي البلاد المحيلى إزبن على رب ٍ بعرشه يراقبك=وناجه وبعد العسـر يسره جليلي ناجه ولأجـل ارضاه وجه ركايبك=وخلك لعلاّم السـراير دخيلي هـو الذي ينجيك من كود صايبك=ويذريك من كربات هــول ٍ مهيلي يالعبد مكّن عند ربك مقاضبك=وفكر وقدّر وإنتبه لاتميلي ولا أحـد ٍ من الخلاق يالعبد حاجبك=هو الذي مدّه وعفوه جزيلي وهو الذي في مافعلته يحسابك=وهو الذي بأرزاق عبده كفيلي الأمير / محمد الأحمد السديري |
< قصيدة فيها حكمة وجميلة بارك الله فيك اخونا محمد القباني ورحم الله الامير السديري |
< صح اللسااااااااااانك
واللسااااااااااااان المرحوم السديري تقبل يحيااااااااااااااااتي ابو خاااااالد |
< اقتباس:
|
< اقتباس:
|
< صح لسانك قصيدة حكيمة |
< تغلا ودوم اخي محمد القباني وصح لسانك ورحمة الله للامير الشاعر السديري
|
< صح لسانكـ ولساان شاعرهــــــــــــا
اخووووكـ: سعد القباني |
< الله يعطيك العافية يامحمد على الاختيار الموفق |
< اقتباس:
|
< ألف شكر لك على ذا الاختيار الطيب والموفق.... |
< اقتباس:
|
< اقتباس:
|
< اقتباس:
|
< اقتباس:
|
| الساعة الآن 05:27 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by