قصيدة ثمر قلبي
<
يالله على بابك عزمت وتوكلت
وسليت سيفٍ مابعد كلّ حده وبوسط ريضان القصايد تجوّلت وأخذت من ريحه وعشبه وورده نظمتها معني ومبنى وكملت قيفانها والقول ماعنه صده الله من شي ٍكتمتـه ولا قلت دفنته بصدري ولا باح سده ياوقت من تالي اشوفك علي ملت وانا صويب ٍكل ما جـاه هده قامت تلاوحني سهومك ولا نلت شي ٍ من سهـومك …بكفي ارده اشبرك يا محمد وابوعك ولازلت اعد لك وامحى حسابي وأعـده ابيك عن متني تشيل الّذي شلت وما طاح من عزمي بعزمك تشده ولِـ غبت عن عينك تطول الّذي طلت وهاك الفراغ الّي تركتـه تسده انا مثل ثوب لبسته واسبلت وانته مثل سيف وانا صرت غمده ابنصحك واسمع كلام لك ارسلت لابد من يوم حدينا يفقده لا تامن سهوم القدر لو تغافلت احد(ن) تجيه الصبح واحد(ن) تهجده والعمر رحلة وانت فيها ترجلت تبي لها سلاح وزهاب (ن) وعده وترى ظروف الوقت مهما تخيّلت تبقى الظروف بطبعها مستبده ان زان لك وقتك بدربك تدللت اغنم قبل تلقى من الوقت ضده وان شان وقتك ماقدرته ولا احتلت اصبر على وقتك ترى ما أنت نده ولا تترك حقوقك تراك ان تنازلت كل على الي لك حصانه يهبده وفعل يمينك يرفعك لـ ِتمرجلت مايظهر الرجال*فعلٍ لجده واحرص على بنت الكفو لِـ تحللت يجمع والدها الطيب من كل بده واحذر من هروج المره لِـ تسهلت هرج المره باب(ن) وودك تسده وان صار لك موقف ولا به تعجلت برق بوجه الطيب وافلح وبده ومن ياصلك لا تقطعه لِـ تواصلت والي قطع وصله عسى الله يسعده بعض العرب لا تقربه لو تعللت لِـ صار أدنى مايجيبه يبعده واليـَ نويته درب…والا تزهلت لا تنثني لِـ توصله عند حده واحرص ليـَ منك بموقف تجملت عيبٍ عليك بكل مجلس تعده وجارك اليـَ ضدك على امر وتمهلت لا تلحقه لـ اقصاه والا تضده لِـ جاك مقبل وانت من يمه اقبلت لد النظر عن زلته لا تحده ترى الحيا خصلة نبي لو تأملت ووجه الرجل يابوك ماهوب قده وأحذر يباريك الردي لـِ تنقلت يطبعك من طبعه وهزله وجِدّه وان جاك نقال بهرج وتجاهلت خله مثل ماقيل زرعه يحصده وان صرت في مجلس رجال وتداخلت احذر من لسانك عليهم تجرده قل الكلام اذا اختصرت و تجزلت تظهر على الرجال ثقله وزهده واخوك هو يمناك لـِ أقبل وهللت فرخ الحرار الّي يمينك تهده ان حدتك دنياك و الا تمايلت احد يحسدك فيه واحد يحسده وتراك لـِ صليت فرضك تقبلت وجه الكريم الي عباده تعبده اخشع تراك اذا خشعت وتذللت مارد رب الكون كف (ن) تمده هذا كلامي يوم قلت وتمثلت وما يتعب الزراع ياكود كده انا مثل غيري صبرت وتحملت وماطول الوالي على العبد شده ارجي ثمر قلبي من الله وأملت عساه يسلم من صدوف تلده واختامها يالله بعفوك توسلت اغفر لمن هو دمعته فوق خده امهلتني وانا غفلت وتكاسلت وحبل الرجا ذنبي يحله وأعقده يارب حسن الخاتمه لـِ تحللت ووجه عليك اقبل عسى ماترده عبدالمحسن بن محمد القباني |
الساعة الآن 10:28 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by