ضيدان أنا أسمي دهام ما هوب فواز =أما أدعني يا دهام ولا بلاشي
ما هوب حق تغير أسمي بلا أرماز =وأنا عذاب الخرب لا أقبلت حاشي

لعيون بعض الناس سميت فواز =أسم يشابه لاسم صعب المناشي
اللي غلاه بثومة القلب حزاز =تقبل له طعوني وتقفي عطاشي

ما أرضى تسميني عليها ولا جاز =تغيير الإسم إلا بذبح الكباشي
إذبح تميمه وأقلب الإسم فواز =إذا ذبحت الكبش ما صار ماشي

قلت فواز تكفى فكني بالتلعواز =الحل عندي وأسمع العلم كاشي
لازم تشوف اللي لها القلب ينحاز =عقب (ن) تجي فواز ولا شلاشي

يالله مشينا والعمر يبغي إنجاز =يا ما نجز بالهدي ولا عراشي
قم جهز اللي ذاخرينه وممتاز =وعلي الطلاق إن عزبته من معاشي

أنا أشهد إني يابن قضعان فواز =واني بعد فواز جاني خراشي
ياحظ قلبك يوم في حبها حاز =كحيلة ما عاشرة كل لاشي
ياليتني رجلٍ لو أمشي بمعكاز=وأنخاك وأنخى مبعدين المعاشي
وأنهض لطيف الروح وأجلا لشيراز =وأقضي بقايا العمر ما أحتر جاشي
في شرع أبن حنبل بتأكيد ابن باز =معروف راعي الحب قلبه هشاشي
وأنا لوصل ملوع الشيخ معتاز =أعوز من فراق السبوق الرواشي
أبا أتمنى والتمني به الغاز =ياليت جنحاني لخلك فراشي
أو ليتني بيجر على الورك هزاز =ولا قلم بين الجسد والقماشي