هلا والله بربعي الأولين
الله مير يسلمن ويسلمكم وين دنياكم
أعوذ بالله نسيتونن
ولا رسايل ولا أخبار أقل شي بيجرونن
ترى عندي خبر إن بعض الناس جتهم رسايل خاصة وعلمتوهم بالرجعة
لكن أنا ياويلي هين الوعد قدام
على العموم
ماشاء الله طلعتوا بشي جديد
ريحتونن من المغبر هذاك
تبون الصراحة ما للباقين عذر
أنا طبيت عليكم فجأة مادريت إنه أشتغل موتركم ( منتداكم )
معي علم إنه عطلان
وأنا من جد ما دورتكم تدرون ليش ؟
آخر سنه وثالث ثانوي وقول الحمد لله
بيني وبينكم جتنا أسئلة اليوم بالإنقليزي تفقع المراة مدري منين جت راح الرشيد وجانا العبيد
كله على وزن إيد
والله بلشه هالدراسة لا واللي مضيقن الهايلوكس مصدوم وعلى قولة أخوانا الكو ايتة مدعوم
مرة يمرن ولد الجيران ومرة يهيتن
الله يعين
المهم حبيت أسلم عليكم جميعن بس تكفون إدعوا لي بالنجاح
لكم منن بعير قصدي ( قدوع قعود )
قولوا يارب يفتك من هالثانوي لو مقبول ما به مشكلة المهم أنجح لأنه الممتاز والمقبول
كله سوى إلا في حالة واحدة تفرق المقبول إذا عندك واسطة يروح فيها صاحب الإمتياز على
شان كذا أبي مقبول لأن الواسطة تحترينن أنجح
والله إنكم جيتوا بوقت محرج إن خليتكم ورحت أذاكر ضاق صدري وإن قعدت بدونكم هم بعد ضاق صدري
هي خاربة خاربة ولا رايح فيها إلا إخوكم
عاشق نجد