دارت الأيام فينا و انقضى الرأي السديد
<
استريحي يالاماني ما بقى شي(ن) مفيد=بح صوتي بس انادي و الإجابه في صداه استري عورة دموعي لحتوتني من جديد=لا خذت فرحة عيوني و اتركت لي قولة (آه) اتأمل وضع ناسي بينهم وضعي زهيد=كل منهم له مرايه تعكس احوالي معاه و كل منهم له حكايه وقعها فيني شديد=هم (ثلاثه) في حياتي كل منهم له غلاه كل منهم في ظميري يصنع العقد الفريد=حلة(ن) ببهى المعاني شلتها لآخر مداه شلتها بأقصى فؤادي من وريد و في وريد=احتظنها بسم قلبي و اتباها في ولاه دارت الأيام فينا و انقضى الراي السديد=وكل واحد بان زيفه وارتسم واقع سماه واحد(ن) قرر يمالي صاحب (الفكر البليد)=رغم ترديد الحكاوي حول مستقبل عطاه رغمها و رغمي تغيّر واصبح بقوله يشيد=عقب ماكان بحضوره يلعن بقلبه ثواه استشف بصوته اني اعشق اسلوب الجحيد=من سنة جدي و حالي ذيب يتسلى برعاه صدقه قبل يتأكد هو على اليمه اكيد!=وانتهى مع من تمنى يرتشف من ريق ماه و ثاني اصحابي طلبني ساعة الحظ السعيد=انتخابي ثم لقابي العصى اللي ما تعصاه كنت اشيله بالخطايا و استره دون العبيد=ادفن (افعاله) و اغني ربما يعرف خطاه ربما يصحوا باليل يشتكي برد الجليد=يرتجي بالوصل دفئاً به يماري من جفاه لكن احواله كما هي كل ماله بي يزيد=لين فاق الطيش حده ولا بقى لصبر جاه و لا بقى فيني سوى اني اغفر الزله واعيد=دامها الدنيا تمني خل كل(ن) في هواه و (آخر) اصحابي كتبني في إطاراته قصيد=ينتشيني بكل فكره لا طرى له ما طراه يتخذني له وسيله في سما جوه بريد=لجل يستوفي حضوره في ملاقى مبتغاه لجل توصل له معاني يدخر منها رصيد=لا نما للحب لحظه اعتلاها من صباه ينتعش لا جاد وضعه و اطرب افعاله نشيد=و كل من حوله تمايل و ارتخى للي نواه هكذا تبقى (الحقايق) لو بدت في ثوب عيد=لو تغلف بالكمال و ترتدي زاهي حلاه هكذا تبقى و تبقى بين (عبدالله) و ( زيد)=بين ناس ترتدينا لاسود الدنيا عباه تحتوينا لجل حلم(ن) في هواها ما يحيد=بعثر اوراق اكتماله و اكتفى باللي قراه حلمها اللي بالخناجر فاح بانفاس الحديد=و التقى بالكذب فنه يالله اني في حجاه وانكشف لي كل علم(ن) كان بحضوره عنيد=كان يستمتع و يرسم كذبته باعلى فضاه لين صارت لي (حكاوي) تجبر الوقت العتيد=يحتفل بي من عطاها بين ضحك و بين (آه) والاماني هي اماني ما بها شي(ن) مفيد=بح صوتي بس انادي و لا سمعت الا صداه مساعد القباني |
< اشتقنا لمساعد واشتقنا لقصيده
صح لسانك يامساعد وسلمت يمناك يا محمد |
< سلمت يدك
وصح لسان مساعد |
< دارت الأيام فينا و انقضى الـراي السديـد وكل واحد بان زيفه وارتسـم واقـع سمـاه واحد(ن) قرر يمالي صاحب (الفكر البليـد) رغم ترديد الحكاوي حول مستقبـل عطـاه تسلم يالطيب وصح لسانك عدد بلا مدد |
< ابيات عذبه مشكور مساعد ننتظر جديدك |
< صح لسانك قصيدة جميلة تشرفت بقرائتها كثيرا |
< اشهد بالله ان مساعد جزل وابياته دئما ماتحمل صور في غاية الروعة
عسى الله يوفقه |
< اقتباس:
صح بدنك يالقباني وصدقت بما قلت فنحن تواقون لقصائد هذا الشاعر الشاب الذي يطرب مسامعنا عندما نجلس معه بأرق الأبيات وعذوبتها تواقون لكل مايكتب ومن هذا المنبر أقول له لاتحرمنا من جديدك |
< اقتباس:
|
< اقتباس:
|
< اقتباس:
|
< اقتباس:
|
< اقتباس:
|
< صح لسانك يامساعد ولاهنت يابوخالد |
< اقتباس:
|
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by