منتديات القبابنة

منتديات القبابنة (http://al-qbabnh.com/vb/index.php)
-   شعراء القبيلة وماقيل فيها (http://al-qbabnh.com/vb/forumdisplay.php?f=8)
-   -   يالبيه ياللي يوم اناظر عيونه (http://al-qbabnh.com/vb/showthread.php?t=13753)

عبدالمحسن القباني 06-06-2018 12:36 AM

يالبيه ياللي يوم اناظر عيونه
 
<
يقولون لـِ [ضاقت عليك الوسيعة غن]
وانا اقول لـِ ضاقت عسى الله يفرجها

اون وخفوقي فيه جرحٍ قديم يون
جروحٍ تجدد ياعسى الله يخارجها

لك الله ياقلب تعلق ياويش تكن
من جروحك الي مالقت من يعالجها

ويالبيه يالي يوم اناظر عيونه كن
عيونه تهرجني ولا اقدر اهرجها

محاجر عيونه كن فيها الكلام يعن
ولايقدر لسانه من الضيق يخرجها

تضيق الوسيعة في عيوني لـِ شفته حن
يبي يظهر الكلمةوضاعت مخارجها

انا بيني وبينه تواصل بدون السن
لواحظ عيونه كل كلمة تبهرجها

أحنه من الضيقة واشوفه علي يحن
وانا الدمع في عيني له شهور ساهجها

ليـَ نامو اهل البيت يمي همومي جن
تعاف الكرى من جور هم تولجها

وانا ودي اسمع يايبه منه قبل يسن
علي القدر رمحه واودع مباهجها

ابسمع علومه وارتوي من علومه لن
هو الي هروجه منه مـَ احلى لجالجها

ولا ابغى علوم فلان والا سوالفهن
لـِ سولف علي…الناس مانيب مزعجها

ليـَ طاب طاب الحال وان ون قمت اون
ونار بروحي منه يشتب واهجها

الا يالله المعبود امرك يكون وكن
عليك اعقد حبال الرجا فيك واسرجها

عليك الرجا يـَ الّي بجودك ماخاب الظن
بجودك على نفسي تلبي حوايجها

ابرجيك وانت القادر الّي علي تمن
تلطف على روحه بلطفك وعالجها


عبدالمحسن بن محمد القباني

محمد القباني 10-03-2018 12:31 PM

<
ليـَ طاب طاب الحال وان ون قمت اون
ونار بروحي منه يشتب واهجها

الله يابومحمد صح لسانك أنشهد إنك جبتها لا فض فوك

عبدالمحسن القباني 10-05-2018 04:30 PM

<
ياهلا وغلا بابوخالد
صح بدنك وذوقك

الله يرفع قدرك شوفتني


الساعة الآن 11:49 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by