ياأيوب راح الليل تشكـي علـي الحـال=وانا اشكي عليك الحال والحـال مدانـي
لوانك مـن البنغـال وابـوك فالبنغـال=انا ونت فابو ظبـي والرابـط انسانـي
ماكن لي من الاحباب غير انت والجوال=وهو يحتمي لي كـل يامـي وقحطانـي
واقدر من شيوخ الفراريج رؤوس اجبال=ونا الطيب فمدحـه لاحاسيـس تعدانـي
واغرب مع شيوخ العوامر هل الافعـال=واشرق مع شيـوخ المناصيـر متفانـي
ولو اصيح فالمره تجي والسنيـن هـزال=واعنز على العجمـان وامـوت متغانـي
لكني معـا كـل القبايـل مجمـل فـال=من مطير لشمر الـى ساحـل اعمانـي
ياويلي على المسا ويا ويلي على المقيال=لكن الظهـر مهمـوم والليـل سهرانـي
قبل ماابتدي شكراًعلى حسن الاستقبـال=وقبل مانتهـي ودي اسولـف وبلعانـي
يقولون مشيها ونمشي علـى ايـه حـال=علـى جثتـي والاعلـى قبـر جدانـي
ما يمشي على امـر المقـرد ولاتحتـال=قوانينها تقطع صـدى صـدح الاذانـي
لان مطمعي فالقـرش ياصبـه الفنجـال=حضوري لبو خالد عـن المـال كفانـي
لكن سمعه الطيب بروق فعـرض خيـال=مطرها الى حـول سقـا كـل ظميانـي
والابداع حاله والشعر فكـر واسترسـال=مع خلف متعه تغري انصـات الاذانـي
ياكم ورع من ورعان شبع الجزيره قال=بانـه مثـل عـوج السنيـن ايتحدانـي
وانا كنـت فاالشعـار والشعـر والازال=مثل وضع حزب الله في شعب لبنانـي
انا وين ما وجهت يقوى بـي الارسـال=ولااعاني من الوزن واوزن من يعانـي
ويقول الملك الله يحفظـه مافيـه اشكـال=الى ضيـع الاول والـى ضيـع الثانـي
ابا وصل المرسول له طبعـه المرسـال=لكن خدمـه التوصيـل ماهـي بمجانـي
انا الثوره اللي بعدها صـار الاستقـلال=وانا الانقلاب اللي ضحايـاه الاشجانـي
الى فزت فاز الشعر والهاجـس الهمـال=لكن لا خسراخسر وانـا مانـي بدانـي
ولا اغير اسلوبي ولااستصنـع الاقـوال=انا صنع ربـي مانـي بصنـع يابانـي
وصلنا لابو ظبي الثقيلـه وحـن اثقـال=مثل ماوصل بلقيس هدهد سليماني
ترى جده المليون ليـره وابـوة اريـال=لكن الاختلاف الكلـي اشكـال والوانـي
وترى قله الادراك رجـل بـدون عيـال=ولاله من الاخوان مـن يشبـه اخوانـي
يااصحابي اللي كـل ليلـه لكـم مـوال=انا اللي انـا اللـي والزمـان ايتحدانـي
ياكم واحد بينـي وبينـه مـن الاميـال=مايحجبه عن عيني وهو وسط شريانـي
وياكم واحد صاير له امن الشموس ظلال=والى غبت عن عينـه دقيقـه تناسانـي
صداقات راس المال لازاد راس المـال=تزيد وتناقص لانقص حسـب ماجانـي
وايلا الحين عدواني تكثر علي الامثـال=وانظف لهـا قلبـي ولا اوسـخ لسانـي
افج النحور ابعـد نظـره وسعـه بـال=علشانهـم جـهـال وانــا علشـانـي
اخاصم وانا رجال وارضى وانا رجـال=وهذا اللي يميزني علـى كـل عدوانـي
امارس معا نفسي غروري بدون اهمـال=بـان التواضـع شـي غالـي وربانـي
عشقت الشموخ الاشموخ العقل والشـال=وكهرهـت النظـام الاالنـظـام 0000
اذا صار ماني عضو فالمجتمـع فعـال=اشعـل فتيـل الحـرب فكـل ميدانـي
اغني مـع البـدو ويحاربنـي الجمـال=ويداعب احاسيس الحضر حزن وجداني
لوان تجربه عمري مثل تجربه الاطفـال=ماخليت من تغريبتـي اجمـل احزانـي
وانا بين حلم انـي اخلـد وانـا رحـال=واخلي من اطـوال المسافـات اوطانـي
وابيـع عمـري واتحـرر مـن الاذلال=ايلا قبر فيه اذنـوب عمـري تحرانـي
عرفت اني افكر خطـا والحيـاه هبال=شوفـو منطـق التفكيـر لويـن ودانـي
لـوان البقـا للافضليـه ماكـان اطـال=لنا الله عمر ابليـس وابليـس شيطانـي
ولو الموت فاالتاريخ محكـور للابطـال=تمنيتـه ايجينـي قـبـل ماايتمنـانـي
وانا خايف اعيـش وامـوت دون امـال=ماني خايف اعيـش وامـوت وحدانـي
اعاني من الاجحاف واشكو من الاهمـال=مريضن من الواقع مرض شبه نفسانـي
لكن ياوجودي والتوجد على ايـه حـال=برستيج نستخدمه في بعـض الاحيانـي
مثل وضع شعار العروبه على الاطـلال=على كثرما مااضحكني على كثر ماابكاني