ناقتي يا ناقتي لا لبون ولا خلوج =غادري من لجنةٍ فوقها الشيطان راج
درهمي يا ناقتي ثم هجِّي يالحدوج =يمَّ دار ٍ تعطي الحق ما دونه زَراج
ياحمد واسمح لنا يوم قرّرنا الخروج =أمّةٍ فيها الحسد مالها طِبّ وعلاج
ياحمد كلِّم حمد مانبي كثر اللجوج =ماب شيمتنا لغا وانسحابٍ واحتجاج
كان همّه بعْلَبَكّ أو يبي شوفة غنوج =همّنا في كعبة الله وصوم وحفظ حاج
ليت ربي فكّنا من سويعات الولوج =يوم مِدْغم قال لجنة حمد قوم اعواج
الحياء ما به حياء يوم لجنتهم تروج =اجمعَوا اهْل الشعر ثم رموهم في الكراج
شاعر المليون غِش وخداع وهَلْه جوج =العدل عنهم بعيدٍ كما بِعْد الفجاج
كان بيرقهم هفا والنوايا جات عوج =هَفّ هفّات الرقيطي معا يوم العجاج
يا خسارة يوم حكم العرب عند اللحوج =الروبيض صار له باخر الدنيا مداج
شلة متجمّعة من بدون ومن اعلوج =الأوامر نفّذوها لنا بسوق الحراج
النوايا مُبْرمة والورق وسط الدروج =ليلة الظلم اكشفوها لنا والعدل ماج
لجنة التحكيم ليش النهاية هوج هوج =بالمية خمسين للصوت ، ما فيها اندماج
يا بني مستر حسن يا مميِّلْة السروج =اقسموا حَبّ النخالة على فروخ الدجاج
جن عبقر شِلّهم وارمهم وسط الهبوج =ينتصف شاعر مضر من بعد شربه هماج
ناصر الفراعنة ما عليك امْن الزعوج =كلهم صفق الهوا، حكمهم عوّد مزاج
ادع ربك دعوةٍ يقلب اللنجات موج =مثل دعوة بنت عَشْتل بليل اظلم وداج (1)
ويوم سحمي في يعومة زبن رجم وبروج =جاه ضربة من قريط على مقرن احْجاج (2)
يا بن عمي لا يهمِّك مبلّعة الثلوج =طغمةٍ صاروا خَدَم للمغنِّي في الزواج
ما خبرنا أحدٍ يحب السعودي في الفجوج =كلهم ضد العدل وقت حسم أو خراج
ولا خبرنا العود لزرق يجيبونه ازنوج =ولا خبرنا الورد ينبت على روس الحباج
العقيلة للغضاوين واطية الزروج =العقيلة لابن فارس ولا فيها لجاج

دمتما برعاية رب العزة والجلال