سالفه وقصيده
<
الحجرعاده مذمومه كان الكثير من القبائل تعملها وهوان لاتتزوج الفتاه الا من ابناء عمومتها .وهذه القصه لبنت حجرها عيال عمها وعددهم ثلاثه وهي ترغب شخص من قبيله اخرى تحبه ويحبها ولكن الامر اصبح اشبه بالمحال حيث لابد ان تاخذ من ابناء عمومتها وتختار بواحد منهم ؟؟؟ ذهبت البنت اللتي ليس لها بعد الله الا ابناء عمومتها الى امراه كبيره في السن وتتصف بالعقل والحكمه لتحل لها هذه المشكله وعرضتها عليها ................... فقالت العجوز تزوجي اعقلهم واحكمهم ثم ادخلي في وجهه واطلبي منه ان يخلي سبيلك بعد شرح الموضوع له بالكامل؟؟؟؟,فذهبت البنت الى ابناء عمومتها وقالت لهم قررت الزواج من فلان منكم ؟؟فتم ذلك وتزوجته ولكن الرجل اصبح اكبر مما تتصور واخجلها ان تفاتحه بالموضوع فقالت ليس لي خلاص من هذه المشكله الا ان انشدالابيات عندما يقبل على البيت وكاني لااعلم عنه لعله يفهم فانشدت وهي تطحن الرحى وبصوت عالي :
ياحمد ياسعد صلفات الركايـــب =وش معك في القلب لامن صد حيله جعل عرس حط في قلبي نشايب =ينقطع قطعة رشا بير طويلـــــــــــــه عزتي للي شبابه عند شايب =لاضواه الليل في كبده مليلـــــــــــــــــه فسمعها الشايب ورد قائلا:
طالق واعداد ذرفات الهبايب =عد رمل النفذ وهبوب تشيلـــــــــــــــــه شايب شيبي على روس النجايب =في الضحى سبار والغدرا دليلــــــــــــه فطلقها وتزوجت عشيقها اتمنى ان تحوز على رضاكم ,,,, مع تحيات اخوكم حد الرهيف |
< الله الله بيض الله وجهك يابو احمد على السالفة المعبرة ولك مني اجمل تحية |
< أخوي حد الرهيف وين وأنا أخوك هالسوالف الجميلة من زمان أثاريك ماشاء الله عليك كنز لا يابوأحمد لا تخلينا من مشاركاتك الرائعة ولا حنا مسامحينك وإلا ترى ولد بداح بيوصي عاشق نجد عليك :c040: تقبل تحياتي يالغالي |
< ولد بداح ,, شكرا على التنسيق وهذا من ذوقك , وتسلم على المرور , لاهنت
|
< (( وهل يفتى ومالك فى المدينه )) , تامر امر يابوخالد , وفكنى من عاشق نجد تكفه ومن هايلوكسه , الساعه المباركه مرورك يابوخالد , لاهنت
|
< لاهنت يا بو أحمد والحجر إذا كان راضي به الطرفين مافيه شي أما إذا كان طرف معارض بيكون فيه مشاكل وما قصرت ياطويل العمر عديل الروح |
< عديل الروح .. ماقصرت على التعقيب ,, الساعه المبار كه مرورك ,, تحياتى .
|
< الله الله بيض الله وجهك يابو احمد على السالفة
|
< مشكور يا حد الرهيف على هالسالفة والابيات
وما قصرت |
< وجهك ابيض ياالعروان وهذى الساعه المباركه مرورك , لاهنت
|
< ابرك الساعات مرورك يافهد ,, حياك ولاهنت .
|
| الساعة الآن 11:38 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by