زارنا صدام يبغى السواحل ومحروم=دونها جيشٍ يضيم العدو ولا يضام
يا ملكنا سرّ بنا في رجاء الرب الرحوم=من يموت شهيد والحي يرفع له مقام
الوطن دونه نحـرّج على الروح ونسوم=واقفين ٍ وقفت طويق في وجيه الخصام
كلنا جنده إلى جاء من الجيران قوم=نلبس البدلة وحنا مدابيس الظلام
لو يجابهنا عدو الشريعة بالسموم=عندنا ترسانة الدين تبطل كل سام
يا شباب المملكة لا تجمل بالهدوم=إنفض غبار ااردى عنك وادخل بالنظام
ادعموا درع الجزيرة وخلوكم قروم=واعرفوا انه ما يشد الحديد إلا اللحام
انتدرب وإنتعلم على حرب النجوم=لين نلحق قدمنا بالمناعير الكرام
انشد الخفجي عن افعولهم ياللي تنوم=ساعةٍ في ليلهم طيرها بالصبح حام
وانشد الصاروخ عن ضربنا وقت اللزوم=تخبرك ترسانته عن فعايلنا شمام
لا غدى عج المدافع كما دفر الغيوم=ننطح البارود وان كـتـّمت مثل الغمام
العدو خطط وركز علينا بالهجوم=والسواحل دونها إنا إلى إشتد الزحام
لا إشتعل صلف التماتيك والحربي يحوم=يجفل الحرّاب من ضربنا يبغي السلام
ضربنا بمبرمجات يدكن الحزوم=ادعم القوات وازحف بنا يا إبن الإمام
حن هل الردات عاداتنا لطم الخشوم=لا تقابلت الطوابير قفلنا الكلام
العدو ندعوه بالسلم وإنا اهل السلوم=وإن عصى ندق رأسه مع صلب العظام
العدو صفه نحطه بعون الله ثلوم=لين يركع لله اللي خلق كل الأنام
انتحرى للخبر كل ليل وكل يوم=وإنترقب دعوة من الحرس نمشي تمام
من توخر جعل يصدم كمين ولا يقوم=والله انا ستر عذرى تحجـّب باللثام
قلتها وأنا من اللي يدكون الرسوم=ويرسمون حدود الأملاك بكبود الحشام
ملكنا من جال برك ٍ إلى خشم القحوم=ما خذينه بالمشوك ومجرود الحسام
الثمن روس النشاما مع حدبٍ تهوم=من طلوع الشمس حتى تنـّحى للختام
المراجل وإن دعتنا لبسنا لبس روم=وإن دعتنا المرجله نذبح الحيل الجسام

الأخ فهد ال ثلاب
شكراً لك على نقلك المتميز
لشاعر متميز وغني عن التعريف
كل الإمنيات بالتوفيق لك
في ماتنقله لنا من إبداع شعراءنا البعيدين
عن الإعلام
لك تحياتي وتقديري
أخوك
محمد القباني

اتــكــلــنــا عــلــى الــلــه واســتــعــنــا=الــلــه الــلــي عــن الــخــافــي درى
جــادك الــغــيــث يــاروضــة مــهــنــا=ســلــســبــيــل مــن الــمــنــشــا جــرى
أرعــف الــطــرس والــبــارق تــثــنــا=يــاســلامــي عــلــى عــز ســرى
جــت جــنــود الــحــرس مــنــا ومــنــا=كــل نــجــم تــجــلــى وانــبــرى
يــاجــنــود الــمــغــيــره و الــمــثــنــى=مــاخــلــقــنــا نــســيــر الــقــهــقــرا
و الــلــه انــا نــطــول ووالــلــه انــا=نــلــجــم الــلــي تــغــطــرس وأفــتــرى
كــل تــايــه نــوايــا مــا شــحــنــا=مــا بــحــلــنــا بــزراي زرى
انــشــد الــدار عــنــا كــيــف كــنــا=فــي نــهــار عــلــى الــخــفــجــي جــرى
يــوم شــانــت ثــنــيــنــا مــازمــلــنــا=مــانــزلــنــا عــلــى الــضــيــم قــصــرى
يــســتــجــن الــرصــاص ونــســتــجــنــا=و الــمــنــايــا تــبــاع وتــشــتــرى
نــحــســب الــمــوت الاشــهــب مــن جــهــلــنــا=عــيــطــمــوس تــســل الــفــتــرى
وانــشــد الــدار ويــش الــلــي تــمــنــا=لــي وردنــا عــلــى الــمــوت خــشــرى