منتديات القبابنة - الشاعر صابر القباني

http://www.mosaed.com/wp/wp-content/img/alnha2i/10.jpg

الشاعر صابر القباني من الشعراء الشباب الذين يكتبون المفردة الجميلة المتميزة
وقد خصنا بجديدة وهي قصيدة إلقيت في مهرجان الحفل الختامي لنهائي بطولة الفرشة الرمضانية 1434
نتشرف بنشرها

حان وقت القصيد وبدع الالحاني
والهجوس حضرت في يوم موعدها
لجلكم يالحضور اسرجت قيفاني
وخيبت بالجزاله ظن ناقدها
وبعدها مرحباً بطوال الايماني
شوفكم يشرح نفوسٍ ويسعدها
في محل الكرام اللي لهم شاني
صفوة رجالٍ وساعٍ بنايدها
منبع الطيب ربعي لاد قباني
لابةٍ ما تخلت عن عوايدها
تكرم ضيوفها وتزبن الجاني
ودون جيرانها تشعل وقايدها
فعول ربعي ترجح كل ميزاني
ترفع الراس والتاريخ خلدها
وللقبايل فعولٍ عبر الازماني
خاب منهو فعول الناس يجحدها
الكرم من طبايعهم وشجعاني
ولو نحصر المواقف ما نعددها
ودام عز البلد في خير واماني
في ذرى سيدي خادم مساجدها
مملكتنا تنافس كل الاوطاني
جعل ربي يكف عيون حاسدها
الولاء من قديمٍ يوم الاكواني
من على عصر ابوتركي موحدها
ودونها اليوم ندحر كل شيطاني
نرخص الروح والبيعة نجددها
والبطوله لها مقصد وعنواني
جمعة الناس من ابرز مقاصدها
ما يهم الجميع اول ولا ثاني
اجتمعنا وهذي من فوايدها
التنافس شريف وكلنا اخواني
ومن زرع زرعةٍ لابد يحصدها

الشاعر صابر بن رشيد القباني