الشاعر/رشيد بن مساعد القباني
<
هذه القصيدة نصيحة من الشاعر/
رشيد بن مساعد القباني
يا الآدمي لابد للعمر صرام=ولابد من عقب الحلاوة مراره الإنسان لو طالت لياليه مادام=لابد من قبر يهايل غباره ولا للفتى ياكود رقعه من الخام=ماينفعه كثر الولد والتجاره يروح ماله حين مايدفن اقسام=وإن ما حصل منه الكفن واخساره صحيفته تطوى بعد رفع الأقلام=والخاسر اللي صفحته في يساره في موقف فيه يتناجون الأخصام=يوم عبوس فيه أشد الحراره يوم تعادل وقفته عدة أعوام=ويأخذ به المظلوم حقه وثاره ولايفيد الظالمين التندام=خاب وخسر من كِشف خزيه وعاره والأمر للي للخفيات علام=موحي دبيب النمل فوق الحجاره لاهوب غدار ولاهوب ظلام=ملك الملوك اللي رفيع وقاره والرابح اللي مِيتته ميتة إسلام=يروح ماحس القرابه وجاره صلى الفروض وقام بِزكي وصيام=ومع الإستطاعة حج وأكمل جماره وقام التهجد والمخاليق نيام=ومع مثلها ركعات في أول نهاره وخلق حميد وجد في وصل الأرحام=والبعد من هظم البشر وإحتقاره هذا الصحيح ولا نقوله توهام=وأخير من كثر الكلام إختصاره وصلوا على اللي قام بإعدام الأصنام=نبي أتاه الوحي وسط غاره |
< صح لسانك ولسان الوالد رشيد بن مساعد , قصيدة جزله كاالعاده ,, لاهنت عديل الروح
|
< ومن قال مايهان يا حد الرهيف وصح بدنك وابومساعد الله يطول بعمره مايقول ألا الجزل وأشكرك على مرورك ياطويل العمر وأن شاء الله أوافيكم بالجديد من ابومساعد عديل الروح |
< بيض الله وجهك ياعديل الروح وصح لسان الوالد ابومساعد الله يحييه حياة طيبه |
<
يا الآدمي لابد للعمر صرام=ولابد من عقب الحلاوة مراره الإنسان لو طالت لياليه مادام=لابد من قبر يهايل غباره ولا للفتى ياكود رقعه من الخام=ماينفعه كثر الولد والتجاره يروح ماله حين مايدفن اقسام=وإن ما حصل منه الكفن واخساره صحيفته تطوى بعد رفع الأقلام=والخاسر اللي صفحته في يساره في موقف فيه يتناجون الأخصام=يوم عبوس فيه أشد الحراره يوم تعادل وقفته عدة أعوام=ويأخذ به المظلوم حقه وثاره ولايفيد الظالمين التندام=خاب وخسر من كِشف خزيه وعاره والأمر للي للخفيات علام=موحي دبيب النمل فوق الحجاره لاهوب غدار ولاهوب ظلام=ملك الملوك اللي رفيع وقاره والرابح اللي مِيتته ميتة إسلام=يروح ماحس القرابه وجاره صلى الفروض وقام بِزكي وصيام=ومع الإستطاعة حج وأكمل جماره وقام التهجد والمخاليق نيام=ومع مثلها ركعات في أول نهاره وخلق حميد وجد في وصل الأرحام=والبعد من هظم البشر وإحتقاره هذا الصحيح ولا نقوله توهام=وأخير من كثر الكلام إختصاره وصلوا على اللي قام بإعدام الأصنام=نبي أتاه الوحي وسط غاره |
< صح لسان الوالد ابو مساعد وطول الله في عمره على طاعة وبيض الله وجهك يا عديل الروح وما قصرت على إيراد هذه القصيدة |
< صح لسان ابومساعد على القصيدة الجزلة والنصيحة الوافية وبيض الله وجهك على ايرادها وفي انتظار المزيد لو كل يوم او يومين قصيده بعد شهر بنحصل عندنا حدود 20 قصيده لبومساعد والحقيقة ان قصايد ابومساعد تستحق التوثيق والنشر تقبل مني اجمل تحية |
< [align=center]ووجهك أبيض ياطويق وصح بدنك والله لايهينك على مرورك
عديل الروح[/align] |
< ووجهك يا اخوي فهد وصح بدنك وألف شكر عديل الروح |
< مشكور اخوي القباني ووجهك أبيض والله يطول عمر ابومساعد عديل الروح |
< صح بدنك ياولد بداح وإن عطيتوني مجال بألّف ديوان لابومساعد من خلال المنتدى مع إن ابومساعد أكبر من إن قصائده تنشر في المنتديات ولكن مجرّد مشاركات مع تحياتي عديل الروح |
< اخي الكريم عديل الروح المجال مفتوح والمنتدى يتشرف بنشر قصائد ابومساعد فكما تعلم بأن غالبية مرتادي هذا المنتدى من ابناء القبابنه وقصائد ابومساعد تعني لهم الشيء الكثير اضافة الى ذلك فأن الانترنت اصبح الان الوسيلة الأكثر رواجا لدى الشباب ومتوسطي العمر لأنه اصبح الوسيلة الأسهل للأطلاع والمعرفة والتنوع في الطرح , عموما نحن في انتظار المزيد ومثل ماذكرت لك لو كل يومين او يوم قصيدة بعد مده بتلقى في المنتدى ديوان يجمع قصائد ابومساعد وتقبل مني اجمل تحية |
<
الإنسان لـو طالـت لياليـه مـادام=لابـد مـن قبـر ٍ يهايـل غـبـاره ولا للفتى ياكود رقعه مـن الخـام=ماينفعـه كثـر الولـد والتـجـاره يروح ماله حيـن ما يدفن أقسـام=وإن ما حصل منه الكفن واخسـاره قمة الحكمة بارك الله فيك أخوي عديل الروح صح لسان الشاعر رشيد بن مساعد درة من درره الجميلة في الحكمة لك تحياتي والتقدير |
< لاهنت ابوخالد ومشكور على مرورك |
| الساعة الآن 08:37 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by