اليوم يوم مطير حمران النواضر وشاعرتهم مويضي البرازية
الشاعرة مويضي البرازية هذة من أكثر شاعرات البادية حثا على مكارم الأخلاق
وأعجاب بالبطولة والفروسية .
وحدث ان تصادم ( مخلف الدغيلبي ) من قبيلة عتيبة مع قوم الشاعرة ( مطير )
وكان فارسا مغوارا وغلبهم رغم انة كان وحدة فقالت مويضي تمدحة :

واديــرتي عنها ( مخلف ) حـدانـي = حدي الضوامي عن بيار بها جم
واحــد وخــلا الــدم بالقــاع قاني = وابوي لو هم لاحـق لة ولد عــم
اذا انتخى من فوق بنت الحصاني = الخيــل من خــوفة تفــرق وتلتم
خلا شيوخ ( مطير ) مثل السماني = اهل السيوف ألي لعــافيظها دم

أخــيل يــا( بنا) عليهــم بــوارق =اطلب لعل السيل بديــارهم طــاح
ركـــابة للخــيل مــلس المعــارق = نــزالة يــوم المضــاهير تــنزاح
ياليتني معهم على وسق مارق = يوم الهداوي بينهم علط الأرمـاح
منازل الخــفرات بيض المفــارق = (مران) مشهي مغتر الخلف ولقاح

صاح الصياح وهلهلن العذارى=.والمال جانا كثر الازوال حاديه
ركبوا عليهم سربتين تبارى=معاري واللبس ما شال راعيه
ركبوا عليهم غوش علوى السكارى=الكل منهم عند الاخر يماريه
خلوا لنا ملحق خدار المهارى=جديع اللي كثر الاسلاف تتليه
و مصيول التجغيف مثل الحوارا= سيوف علوى شرعت في علابيه
واقفن بالجربان مثل العفارى=والشيخ صابه مطرق شق لاحيه

الله لا يهينك
ولد بداح مشكور على المشاركة
الجميلة دائماً تمتعنا بما هو رائع
بارك الله فيك

المشاركة الأصلية كتبت بواسطة حد الرهيف اليوم يومك يامويضى من ولد بداح , شوقه على قصيد البرازيه رحمها الله , مانلومك ولد بداح فى قصيد مويضى لسلاسته وجماله لانه يلامس الواقع اللى عاشته فى زمانها , غفر الله لها , وصح لسانك ولد بداح .

المشاركة الأصلية كتبت بواسطة العـــروان بيض الله وجهك على القصه والقصيده ليته حيــه وتشوف بنــات اليــوم

المشاركة الأصلية كتبت بواسطة محمد القباني الله لا يهينك ولد بداح مشكور على المشاركة الجميلة دائماً تمتعنا بما هو رائع بارك الله فيك

المشاركة الأصلية كتبت بواسطة ريم السبيعي كحيلان ماتجيب إلا العلوم الطيبة مواضيعك جداً رائعة كيف لا وانت الكاتب المبدع تحياتي لك وسجلني أول المعجبين بما تطرح اخوي ابن بداح