الشاعر والمنشد / سعد الطلحة

القلب يحزن والمدامع غزيرة = في جوفي نارٍ من لهبها تباكيت
والدار ظلما كانت أمي تنيره = يايمه وينك؟ من دونك خلا البيت
قلبي تفطّر على الفرقا المريرة= أمنت بالله وبأقداره تراضيت
الموت حق وكل ٍ له مصيره = وموت النبي قبلك يايمة تعازيّت
هذه هي دنيانا يايمه قصيرة = ماهما يطول العمر ،للعمر توقيت
هذا جلالك في حكييّ عبيره = كل يوم أشمه ولشفته تناشيت
صوتك يا يمه محلى أثيره = حنانك يمه يخليني تدفيت
ومن يوم رحتي والمشاعر أسيرة = محد أفضفضله وبصمتي تسجّيت
يايمه من هو أجليه واستشيره= يعدلني ؟ّ لين شفت الصواب وتنحيت
يايمه كلٍ يناظرني في حيرة = ومن يوم رحتي ,وأنا لي ماتواسيت
ويوم كنتي عندي كأني أمير ديره = كلن يناديني ويقولي تعال هيت
ومن يوم رحتي يمه وكأني في جزيرة = وحيدٍ فيها عن الناس تواريت
اجيد و اخفي وقت الظهيرة = محد سأل عني يقول تغديت
ابيت ليلي وعيوني سهيره = كم من ليالي نايمٍ ماتعشيت
ظروفٍ يمه تواجهني عسيره = الشكوى لله بظروف وتعنّيت
يا كم تعلمت من معاني غزيرة = يامنهل التعليم منك تربيت
كم قصةٍ للماضي نسيره = لجيت عندك بسواليف تسليت
آهٍ يايمه آه يايمه ونظراتي الأخيره = مليت كفي ترابٍ ثم حطيت
ابشري يايمه بدعوات كثيرة = كل ماذكرتك وللرحمن صليت

الشاعر المنشد / سعد الطلحة
مقدم في قناة المجد الفضائية

مشكور على المشاركة والمرور وان شاء الله أحد القبابنه يشارك الباب مازال مفتوح .



مشكور العروان وحياك الله

لاهنت أخوي القباني على نقلك لهذه القصيدة الجميلة
مشكور ويعطيك العافية