ابن الذيب وسلاح الحدود
<
الشاعر ابن الذيب رجل من قبيلة العجمان وهو والد الشاعر الابهق محمد بن الذيب المعروف وكان موظف في سلاح الحدود في السعودية في المنطقة الجنوبية و لديه سياره لوري تابعه لمركز سلاح الحدود وكان إذا رأى أحد البدو يريد الرحيل من مكان الى آخر يقوم ابن الذيب بتوصيله الى مكانه ولا يرى أحدا يسير على رجليه إلا ويقوم بإيصاله مهما كان واشتهر بهذه الأفعال عند أهل البادية وبعد أن علموا أصحاب المركز بما يفعل أعطوه سياره وايت كبير حتى لايقوم بإيصال الناس ويترك دوامه وفي يوم من الأيام وهو يسير على الوايت وجد عجوز بدويه ومعها 10 رؤوس من الماعز فقام بالوقوف عندها وسألها عن المكان الذي تريد فقالت أنها تريد أهلها في منطقة تبعد عشرات الكيلومترات عن مكانهم فقام بحمل الماعز واحده تلو الأخرى الى أعلى الوايت ويقوم بربطها حتى حملها جميعها وركبت العجوز معه في غمارة الوايت فقالت له العجوز وهي لم تعرفه مالك شبيه ألا ابن الذيب ولم يخبرها بأنه ذلك الرجل... ثم قال هذه القصيده التي لم يحضرني منها إلا القليل:
حالف ماخذ على الرجلي رياله=وبالثلاث محرّم انها ماتجيني لا لقيت اللي على السكة الحاله=يلتفت ويقول وين المستحيني ياقف الموار حيا وابغي الجماله=يوم ولد اللاش وجهه مايليني الطمع في كروة الرجلي ارذاله=خص به وان جاء مجال الغانميني الولد وان طاب قالوا من خواله=والخوال يسال قبل الوالديني أشرب الفنجال وأكب البياله=تابع سلمي سلوم الطيبيني القصه والقصيده برواية بندر بن مشل بن مساعد القباني مع أجمل تحيه من اخوكم عديل الروح |
< حالف ماخذ على الرجلي ريالـه***وبالثلاث محرّم انهـا ماتجينـي
لا لقيت اللي على السكة الحالـه***يلتفت ويقول ويـن المستحينـي ياقف الموار حيا وابغي الجمالـه***يوم ولد اللاش وجهـه مايلينـي الطمع في كروة الرجلي ارذالـه***خص به وان جاء مجال الغانميني الولد وان طاب قالوا من خوالـه***والخوال يسـال قبـل الوالدينـي أشرب الفنجـال وأكـب البيالـه***تابع سلمـي سلـوم الطيبينـي مشكور يا عديل الروح وقصة جميلة والله يعطي العافية بندر بن مشل بن مساعد القباني على هالرواية أمتعتونا جميعا بها ولكم تحياتي فهد ال ثلاب |
< هلابعديل الروح هالقصيدة طال عمرك للشاعر راشد بن حسن بن مانع بن رحيان الضاعني العجمي وموجودة القصيدة وسالفتها بالمنتدى وقد رويت بعدة طرق http://www.al-qbabnh.com/vb/showthre...=8714#post8714 |
< فهد آل ثلاب لاهنت على المرور |
< اخوي ولد بداح مشكور على مرورك والله ماكنت أدري انها قد نزلت في المنتدى وأنا آسف على ايرادها مره ثانيه ولا تفهمني غلط وأتمنى من المشرف حذف مشاركتي مادريت لين شفت العروان راد عليها بعد نزول مشاركتي والسوالف والقصائد دائما لاتخلوا من تعدد الروايات وأكرر أسفي |
< تمون على المنتدى والي فيه طال عمرك وتعدد المواضيع وارد وفي جميع المنتديات لكن في الموضوع الثاني كانت القصيدة كاملة والسالفة مختلفه هذا الهدف من التوضيح فقط وقد تكون سالفة القصيدة مثل ماذكرته او مثل ماذكرها بندر او غيرها عموما مشكور على الموضوع وتسلم ويسلم ابومشل وبأنتظار المزيد |
< احيلــة القضيـــه الى الشيــخ ((حــد الرهيـــف)) للنظــر فيها والحكــم
بما يــراه فضيلتــه مهـــوب على كيفكـــم |
< مافى قضيه ولاشى : ان كانت لابن الذيب مانقول الاكفو ياالذيب وهذى شيمة الرجال وكفو ياعديل الروح على القصه والقصيده ولاهان عديل الروح .
وان كانت لبن رحيان الضاعنى مانقول الاكفو ياالرحيان وهذى شيمة الرجال وكفو ولد بداح على القصه والقصيده ولاهان ولد بداح . |
< اقتباس:
لاهنت عديل الروح على المشاركة ومشكور الأخ بندر على روايته للقصة والقصيدة وقد تطرق لها أخونا الكبير ولد بداح في قسم سوالف الطيبين تحياتي للجميع |
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by