ابيات مختارة
 

الموت موت الضمير وموتة الذمه
---------------------- ونفس ٍ رضت من رداها في مذلتها
ما الميّت اللي بموته ينتهي همه
---------------------- الميّت اللي حياته مثل قلـّتها
كم واحدٍ طاب ابوه وخاله وعمه
---------------------- وإيده من الطايلات الله مفلـّتها
لو يستحي قاصر الشوفه على دمه
---------------------- ما جاهرَت روحه الجربا بعلتها

عبدالرزاق الهذيل

الصمت حكمه والكلام اكثر من اللازم غبا
=============ما دام فالدنيا مواقف ما يعبّرها كلام
وانا اشهد اني مندفع من يوم خفاقي حَبا
=============الين لحّـقني معَ العالم ومعء نفسي ملام
قمة غبائي يوم اردّد ..وصَل السيل الزبا
=============وأهدّ مرقب هيبتي وابني من أنقاضي غـرام
لا والله الا في أمان الله والعشق يهَبا
============ولا ينقـّص من روافد عزتي ( ملي جرام )

فيصل السواط

من كثـر ماله ساروا الناس برضاه
---------------------- ولو كان ناقص .. قالوا الناس : وافي
ومن قلّ ما بـِيده ترى الناس تشناه
---------------------- لو كان يسقيهم عسل قنـد صافـــــي
فالمال كم ساسٍ طمانٍ وعلاّه
---------------------- والفقر كم حطـّم روابع سنافــــــــي
لا شك ما للعبد عن حكم مولاه
---------------------- من خير ولاّ شر والرب كافــــــــي
ما كتـب للمخلوق لا بد يلقاه
---------------------- أمّا هزايم شرّ ولاّ عوافــــــــــــــي



حمد هادي المسردي

ومن قلّ ما بـِيده ترى الناس تشناه
---------------------- لو كان يسقيهم عسل قنـد صافـــــي

فهد ال ثلاب

صح لسانك ولســان الشعـــراء

سلمت يمينك يالغالي على هالابيات الرائع

اختيار وانتقاء ممتاز اخى فهد ,, تحياتى