تـعـوّذ مــن إبلـيـس ذي دونـهـا رجــال !!
<
قصيده قرائتها وحبيت انقلها لكم
ياقلب كم لك وانـت مـن حـال فـي حـال=من شفت (سارة) وانت حالتك حاله أنـــا مـعــك حـلــوة ونظـراتـهـا هـبــال=بـس الغـرام الصعـب مـالـك ومـالـه ذي عنـدهـا لـكـزس وسـايـق وجـــوال=وأنـا كـورولا .. لا وبإسـم الوكـالـه سـواقـهـا فـــي ذمـتــي يـاكــل أثــقــال=كلّه عضل شف كيف يرفع شمالـه!! تـعـوّذ مــن إبلـيـس ذي دونـهـا رجــال=وأنــا مكـسّـر خـــل مـنــك الهـبـالـه تـسـكـن بـفـلّـة ماتجـيـلـك عـلــى بـــال=شغل أجنحة .. ماهو مقلّـط وصالـه مصـروفـهـا يـكـفـي ثـمـانـيـن رجّــــال=ياشيـخ أبـوهـا مــادرى كــم حـلالـه حتـى أمهـا ياصاحـبـي حـرمـة أعـمـال=واخوانهـا .. كـلٍ غنـي فـي مجـالـه إعـقـل يـبـو .. بيحـلّـهـا ألـــف حـــلال=أنــا أطـلــب الله وادّعـيــه وأسـالــه إسهـر وفـل حـجـاج نبـضـك وإذا طــال=فيك السهر .. ارقـد مثـل منـت دالـه وش غيّرك ! .. قد كانت أوضاعنا عال=لارحم أبو (روبي) على (البرتقالـه) خـلّــوك لـلـحـسـرة والآمــــال حــمّــال=حتـى غديـت بداخـل الـصـدر عـالـه حتـى هلـي مــن شافـنـي منـهـم قــال :=لا يـابــري حـالــي ويـاوجـدنـا لـــه ياقـلـب تـكـفـى وش مـعــك والتـخـبّـال=إلعـن ابليـس وكــب مـنـك الخبـالـه |
< الله الله صح لسانك ياراشد ولسان قايلها هذي ابوها اكيد من هوامير الأسم ضف حلال هالمساكين وعطاه بنته تلعب به |
< هههههههههههه الله يهديك شكلك يابن بداح من الضحايا
احسن الظن في الناس يمكن هامور خضاااار :c040: اسعدني مرورك وتواصلك |
< صح لسان من قال , وصح لسانك ياراشد , خيرة القصايد مااخترت ,, تحياتى لك .
|
< اقتباس:
لا هنت أخوي راشد على النقل المميز والذي يدل على ذوقك الجميل وحسن الإختيار ملاحظة لا تنقص من روعة المشاركة ليتك أوردت اسم الشاعر حفاظاً على الحقوق لك مني كل الحب والتقدير |
< حياك الله يابو خالد
واشكرك على الاطراء اسم الشاعر لم يذكر في المصدر |
< صح لسانك ياراشد ولسان قايلها
|
< ذي عندهـا لكـزس وسايـق وجـوال
وأنا كـورولا .. لا وبإسـم الوكالـه تسكـن بفلّـة ماتجيلـك علـى بــال شغل أجنحة .. ماهـو مقلّـط وصالـه صراحة حب مثل هذا صعب وأفضل شيء/ إلعـن ابليـس وكـب منـك الخبالـه وصراحة قصيدة ممتعة يا راشد ونقل مميز |
< العروان
فهد ال ثلاب اسعدني تواجدكم ومروركم يالغالين |
< قصيدة رائعة وجميلة مشكور اخويه |
| الساعة الآن 03:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by