رشيد بن مساعد والجمس
<
قصيدة مدح في//سعيد بن عبلان الخضران للشاعر//رشيد بن مساعد القباني
يالربع لاجيتو سعيد بن عبلان=نعماً به وقولوا رشيد يقوله جانا بساعة ضيق والجمس عطلان=وزال العمس من يوم شفنا قبوله ولاهوب كل انسان بالطيب يشتان=إلا الذي راسه يفوح برجوله الطيب كنز مايقدر بالاثمان=لاشك صعب ماب كلً ينوله وهايب تعطا طليقين الايمان=اللي هممهم للمراجل ميوله والا ترى الانذال شرِ ونقصان=ضعيفين الانفس واليدين مغلوله العد لامن صار حبله بشطان=حبال الرخوم القاصره ماتطوله طيبه جبرني لين غنيّت الالحان=والقرم مثله يعجبنّي افعوله وانا مانيب امدح على غير برهان=ولاحب مدحً مايجي في حلوله اثني على راعي الوفاء وين ماكان=والا الردي يوم امدحه ويشهوله الطيب منه بارد الحيل عجزان=مثل الجبل رقيه مهوب ابسهوله ياكود بذل الحال والمال مجان=مع طاعة المولى وطاعة رسوله لآهل الوفا تقدير مني وعرفان=اللي لهم في المجد صوله وجوله أهل الندا والخير في شح الازمان=لامن بخل ولد الردي بمحصوله ولانيب اخص افلان بالذم وافلان=مير أنتقد خطوات خلفه حموله مع أجمل تحية من اخوكم عديل الروح |
< صــح لســـان ابــونــا الشـــاعر رشــيد واللــه يطــول في عمــره .. ويستـــاهل المــدح بن عبــلان .. لاهنـــت يــاعــديـل الــروح .. |
< اقتباس:
صح لسان الوالد بومساعد,, وكاالعاده متعودين الجزاله فى شعره ,, لاهنت ياعديل الروح وتحياتى . |
< لاهنت ياعديل الروح وصح لسانك ولســان ابو مســـاعد
|
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by