الشاعر فلاح بن ماضي بن سعد القباني

بروح يم رشيد لا ولع النار=وجاء له مسايير ٍ تجيب العلومي
تلقى الشحم ومكيّف البن ببهار=وصنديد لا من هب لفح السمومي
يكرم الضيفان ويقدر الجار=ومتمسك ٍ في طيبات السلومي
نزل بـ هالكتر المطرّف بالأخطار=لا شان هرج مقلبين الهدومي
أخوي لا من كملت كل الأشوار=حطه على يمناك وقت اللزومي
يفداه جبو ٍ ما وطى جمرة الحار=همَه يجمَع متعبات الهمومي
سلايل الشيبان وافين الأشبار=اللي لهم في قمة الطيب سومي
خصيمنا يصبر على وصمة العار=لا منّها وصلت للمس الخشومي
إنا نزلنا دون جيرة ولا جار=ألا نزلناها بربع ٍ قرومي
ذي دبرة المعبود علام الأقدار= اللي على خلقه لطيف ٍ رحومي

خصيمنا يصبر على بصمة العار= لا منّها وصلت للمس الخشومـي
إنا نزلنا دون جيـرة ولا جـار=ألا نزلناهـا بربـع ٍ قـرومـي

المشاركة الأصلية كتبت بواسطة الشاعر (المشاركة 13356) قصيدة جميلة وفي غاية التصوير والوصف والجمال وشدني في القصيدة بيتان عن الف بيت معاني جزلة ووصف الشاعر بربعه توصيف في غاية الأبداع ويستاهلون العلوم الغانمه... خصيمنا يصبر على بصمة العار= لا منّها وصلت للمس الخشومـي إنا نزلنا دون جيـرة ولا جـار=ألا نزلناهـا بربـع ٍ قـرومـي صح لسان الشاعر شيخنا /فلاح بن ماضي ............ويستاهل والدنا الشاعر /رشيد بن مساعد يعطيك العافية اخوي محمد القباني

حي الله الشاعر ومشكور على المرور

المشاركة الأصلية كتبت بواسطة ولد بداح (المشاركة 13363) صح لسان الشاعر الشيخ فلاح بن ماضي ويستاهل ابومساعد الابيات الطيبة ومن اهلها لكن وين رد ابومساعد يابوخالد ماهقيت ابومساعد بيترك هالقصيدة بدون رد

صح بدنك ياولد بداح تحياتي لك على المرور

المشاركة الأصلية كتبت بواسطة رنا القباني (المشاركة 13599) تلقى الشحم ومكيّف البن ببهـاروصنديد لا من هب لفح السمومي يكرم الضيفـان ويقـدر الجـارومتمسك ٍ في طيبـات السلومـي قصيـــدة جـــزلة في معانيها وحروفها .. صح لسان الشاعر فلاح بن ماضي .. وتسلم اخوي على النقل الرائع ... ماقصرت ..