قصيدة مهداه لـ سلطان بن مشنان بن مهنا القباني من الشاعر والراوية الكبير رشيد بن مساعد القباني
قصيدة مدح وثناء فهذا الرجل الإنسان ( سلطان ) له مواقف مشرفة وصاحب قلب كبير صفحته ناصعة بالبياض
صاحب شهامة ونخوة مع الجميع لم يأتي إليه شخص ما إلا وقام بواجبه ،،،
إنسان محبوب تعجز الكلمات وتعجز القوافي عن مجاراة أفعاله الطيبة
لن أطيل عليكم بل أترككم تبحرون مع هذه القصيدة الأكثر من رائعة في إنسان يستحق الثناء والتقدير

يابنت ياللي لك هواية بالأجواد=شومي لشيال الثقيلات سلطان
سلطان بن مشنان مدغوش الأولاد=قرم ٍ يروم العاليات ابو مشنان
تنشر له البيضاء على روس الأشهاد=من باب صنعاء لا وراء حد عمان
نعم ٍ يابو مشنان كساب الأمجاد=مواقفه يحمد بها طير حوران
طموح للعليا مراميعه ابعاد=باعه طويل ٍ في المراجل بليهان
سلطان له في ذروة المجد مصعاد=وفي المنصب العالي بذل طيب وإحسان
ومن لا كسب في منصبه طيب وشعاد=بعض المناصب تكسي الرجل خذلان
مهما مدحنا طيب سلطان يزداد=عندي على طيبه دلايل وبرهان
طيبه وراثه من على عصر الأجداد=من لابة ٍ في الهوش تروي شبى الزان
ما خاب من صاروا له عضود وسناد=موارث السبعة طليقين الأيمان
ندّر حرار ٍ من نقل طيرها صاد=ولا قيل ينتج موكر الحر غربان
رجال ٍ لهم في الموقف الصعب ميراد=ولهم براس القمة العالية شان
ما يصبرون بزومة الشره لا زاد=يردون حوض الموت لا ثار دخان
يسقون راعي الزوم جرعات الأنكاد=لا جاء نهار ٍ فيه روغات الأذهان
من ذاق ضرب حرابهم راح ما عاد=سمحين بعض أحيان وأحيان عوجان
لا ثارت الهيجاء للأرواح زهاد=يردون حوض الموت ما هم بذلان
راعي الشره لا من عرف جمعهم حاد=رمى السلاح وعاذ من كل شيطان
أيمانهم لا جاء القسى تنفد الزاد=ربع ٍ لهم في المجد والطيب عنوان
وصلاة ربي عد نسناس الأنواد=وما غرد القمري على روس الأغصان
على نبي ٍ حطم الشرك بجهاد=الهاشمي شفيعنا نسل عدنان

المشاركة الأصلية كتبت بواسطة ولد بداح (المشاركة 14838) صح لسان ابومساعد على الأبيات الجزلة والوافية ويستاهل سلطان بن مشنان بن مهنا القباني ماقيل فيه ماقصرت يابوخالد على النقل الموفق والعلوم الي تنومس

صح بدنك ولد بداح سعيد بمرورك طال عمرك
تحياتي لك

صح لسان الشاعر رشيد بن مساعد راوية القبابنة مايقول الا الطيب وبيض الله وجه
ويستاهل سلطان بن مشنان قول وفعل
والله يعطيك العافية محمد القباني على ماتقوم به من توثيق قصائد القبابنة
فأنت بمجهودك الكبير وماتبذل في الجمع لهذه القصائد تستاهل التقدير والاحترام

المشاركة الأصلية كتبت بواسطة حد الرهيف (المشاركة 14848) صح لسان ابومساعد على الأبيات الجزلة والوافية ويستاهل سلطان بن مشنان بن مهنا القباني ماقيل فيه ماقصرت يابوخالد على النقل الموفق والعلوم الي تنومس

مشكور حد الرهيف على المرور وعلىالتواصل الجميل

المشاركة الأصلية كتبت بواسطة رمحي خطير (المشاركة 14850) يستاهل المدح سلطان بن مشنان وهذه القصيدة تعتبر مدح لصبيان آلشخيتل وليس بغريب منهم الافعال الطيبة . ساس وراس

صدقت طال عمرك ومشكور على المرور

المشاركة الأصلية كتبت بواسطة نايف القباني (المشاركة 14868) صح لســانك يابو مســاعد قصيده جزله ويستاهل المدح سلطان علومه طيبه من سلايل الفارس مشنان ماقصرت يامحمد يعطيك العافيه

ولاتهون نايف على المرور بارك الله فيك

المشاركة الأصلية كتبت بواسطة سعد آل منيخر (المشاركة 15001) كفو كفو كفو بسلطان والله أنه راعي فزعة ونخوة وصح الله لسان الشاعر الكبير رشيد بن مساعد ولاهنت

صح بدنك وحياك الله تحياتي لك على التواصل

المشاركة الأصلية كتبت بواسطة مهنا (المشاركة 15007) صح لسان الشاعر رشيد بن مساعد راوية القبابنة مايقول الا الطيب وبيض الله وجه ويستاهل سلطان بن مشنان قول وفعل والله يعطيك العافية محمد القباني على ماتقوم به من توثيق قصائد القبابنة فأنت بمجهودك الكبير وماتبذل في الجمع لهذه القصائد تستاهل التقدير والاحترام

صح بدنك مهنا والله يعافيك ومشكور على الإطراء الجميل وما ترى من جهود هي من تكاتف الجميع
ولا تحسب لي وحدي فنحن أسرة واحدة على الخير نلتقي

المشاركة الأصلية كتبت بواسطة العـــروان (المشاركة 15148) صح لسان ابومساعد على الأبيات الجزلة والوافية ويستاهل سلطان بن مشنان بن مهنا القباني ماقيل فيه

حياك الله يالعروان تشرفت بمرورك