الشاعر رشيد بن مساعد القباني وقصيدة رثائية
<
من أصدق القصائد وأقربها إلى النفس هي تلك القصائد الرثائية والتي تكتب من قلب وتحفظ في القلب لموضوعها فهذه القصيدة الرثائية كتبت في الشيخ / حمد بن فالح القباني من قبل الشاعر والراوية الكبير رشيد بن مساعد القباني
ياعين ياللي كن في نونهـا عـود=في جفنها كـن العوايـر تلوجي عافت لذيذ النوم والعالم رقود=حلو الكرى بالعين عيا يسوجي ولاحزنت عيني فلا فيـه منقـود=فرقا الحبايب فج صدر الخلوجي على عضيد ٍ حال من دونه إلحود=وعليه كني بالرماح مخجوجي حمد السجايا دايما يكسب الجـود=ولاهوب عن درب المراجل يموجي ماهوب مثبور ٍ عن الواجب يحود=ولاصك باب البيت لاشاف دوجي يفرح إلى منه لفى بيتـه وفـود=بوجيه خطاره بشوش ٍ زعوجي رجل النقا وللصدق بالطيب محمود=ولاسمّج المجلس بعج الهروجي ولاهوب خبل ٍ ينقل الكبر والـزود=اللي مثل ماقيل نقض الخروجي ياقلبي اللي عقب فرقـاه ملهـود=ويطمي عليه من الهواجيس موجي لو هو بسوم وبيع ماراح بعقـود=لو كان نعطي من الرجاجيل فوجي مير القدر لاحل ماهـوب مـردود=لو سكرت دونه جميع الفجوجي الموت سنه للمخاليق موعـود=لو كان نلجى في حصين البروجي يالله عسى جسمه محرم عن الدود=ويسكن مع الأبرار للحور زوجي |
< الله يسكنه الجنة ابيات معبرة وصادقة صح لسان الشاعر الوالد رشيد بن مساعد وماقصر ابومساعد قال ووفى جزاك الله كل خير يابوخالد |
< اقتباس:
صح بدنك ولد بداح والله يبارك فيك على مرورك الكريم |
< الله يسكنه الجنة ابيات معبرة وصادقة
صح لسان الشاعر الوالد رشيد بن مساعد وماقصر ابومساعد قال ووفى جزاك الله كل خير يابوخالد |
< الله يغفر لحمد بن فالح ويسكنه الجنة وطول الله بعمر شاعرنا رشيد بن مساعد ومشكور يامحمد على المشاركة |
< اقتباس:
صح بدنك أخوي القباني |
< اقتباس:
آمين ،، مشكور مهنا |
| الساعة الآن 05:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by