الشاعر فهد بن حسن بن فهد العنقودي
<
هذه القصيدة قالها المرحوم الشاعر فهد حسن فهد العنقودي القباني رحمه الله في ربعه العجاوين من قبيلة سبيع وقد خص فيها علي بن مطلق العجواني السبيعي
اليوم صدري ضاق عقب العجاوين=من عقبهم عينـي تزايـد عبرهـا لاقلت هيدي جابت الدمـع زافين=عيا يهـوّد دمعهـا مـن قشرهـا ياناصر اركب فوق مايطرب العين=سيـارة ٍ تـوه يـركـب كفـرهـا جمس ٍ جديـد عنـد قيـره دبليـن=يذب عالي طعسهـا مـع وعرهـا سلم عليهـم جعلهـم الله عزيزيـن=الله يعديهـم حـوادث خطـرهـا ذيك الوجيه اللي على الطيب ضارين=كل ٍ يـروم أفعولهـا ماقـدرهـا أختص أبومطلق عسى عمره سنين=اللي نفعني في ليالي عسرهـا هو الرفيق اللي على العسـر واللين=يصبرعلى ميلاتهـا في دهرهـا من لابتن لاجاء اللقاء تقضي الدين=ياويل والله من وقف في نحرهـا على مثل ماقيـل إنهـم سلاطين=إن أزعلوا نـار ٍ تزايـد سعرهـا ولايطفيها المطـر صلوهـا شين=ترمي على كبد المعـادي جمرهـا سبعان لامنه غـدا العلـم علمين=تفعل وتاخذ حقهـا فـي حظرهـا لامن تعلو فـوق مثـل الشياهين=كم واحد ٍ ذبـوه وأخـلا ظهرهـا |
< غفر الله للشاعر فهد بن حسن العنقودي القباني واسكنه فسيح جناته بيض الله وجهك ياولدالعناقيد على ايراد الابيات المعبرة وبستاهلون العجاوين العزة ماقيل فيهم ومن حصل العلم الغانم يستاهله اتمنى ان تزودنا اكثر بقصائد الشاعر غفر الله له فهي تستحق الحفظ والنشر |
< اقتباس:
سلمت يمينك ولد العناقيد على المشاركة الجميلة قصيدة جزلة ويستحقونها العجاوين ورحم الله الشاعر وغفر الله له يعطيك العافية يالغالي على التواصل |
< الله يرحم الشاعر ويغفر له قصيدة في محلها ويستاهلون من قيلت فيهم |
< الله يعافيك ولد العناقيد على المشاركة ماقصرت |
< الله يرحم الشيخ فهد بن حسن العنقودي
ويغفرله ويسكنه فسيح جناته ونعم والله بالعجاوين اشكرك ياولد العناقيد ونعم والله بالعناقيد هل الطولات واهل المواقف تقبل مروري |
< رحم الله الشاعر وجزاك الله خيرا يا ولد العناقيد
|
< حي الله الجميع واشكركم على المرور |
| الساعة الآن 05:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by