حمار جد ولد الربدي
<
يحي الله ربعي الله مير يسلمن ويسلمكم
معليش ياني اتنافض وحنوكي له طقطقه ذبحن البرد مير يالله وشنسوي ابطيت من حجيت مامريت عاد قلت اليوم نشوف الشباب علهم بخير ونسولف وياهم غديهم لقو وظيفة واسلم على الرهيف وراعي الشعيب وباقي الشباب من البطا نسيت خويياي يالله حسن الخاتمه ومادامني مريت قلت بقص لكم سالفتن زوينه قاله لي جد ولد الربدي الله يرحمه وحنا بنفود الثويرات بالخيمه ومعي صديق دربي (امحق صديق ) ولد الربدي :c040: مشنترين هالاذاني الله من الدجه (عاشق نجد وولد الربدي) السالفه ومافيها يقول بسنه من السنين كان ياماكان بقديم الزمان كان هاك الحميّر اللي شايفن رويحته ( تقل ولد الربدي ) يتقوى على الضعوف مرتن شايتن ارينب ومرتن واطين له دجاجه والمرة الاخرى ناكرن له عنيق :c040: وعلى هالحاله ويجي ذاك اليوم ماشين رازن صديره ورافعن خشيمه ومشنتراتن اذيناته المهم وهو على ها الحاله مره اســــــــــد يوم شافه الا سد خاف منه (اول مره اشوف اسد طقوع) والله هذا اللي حاصل المهم الاسد قال يمــــه حمـــار وحط رجله وماتشوف الا غباره والحمار عاد انبسط ودعس وراه دعست الهايلوكس :e0025: ولا ويقول وقف انكانك اسد وقف انكانك ولد امك وقف (اخس يالحمار مهوب بسيط) :a042: لا والاسد رايحن في خرايطها اشوى اللي ماطقته ام اركب ويصايح يمه يمه ياويلي من الحمار ويلاه (ذكرن حليمه بولند ) اويلاه والمهم وهم على ذا الحاله من جرف الى دحديره الى ماني قايل وياقلب لاتحزن اللين شاف الاسد مغاره وعلى طول نصاها الاسد ودخل فيها ايه ونسيت الحمار الحمار مهوب بسيط كافخ وراه يمشي طبلونه ويدخل ورى الاسد مهوب مخليه يروح مدري وش يبيبه المهم دخل وراه المغاره تدرون يا عيييلي ( هذا يقوله جد ولد الربدي الله يرحمه ) وش صار الحمار لقى شلت اسودن متسدحه :c040::c040: ويضحكوووون هههههههههه اثر الاسد ابن اللذين متراهن مع الشله يجيب لهم فريستن سليمه حيه ميه بالميه يعني حمار من المائده للشله ((طازا)) :c040: اي والله هذا سالفت جد ولد الربد الله يرحمه دايم يسلوف ياعليه ارانب اقوله دايم لولد الربدي مير يقول يازينك ساكت يعنيني عاشق نجد |
الشايب له نظره....
<
حمار جد ولد الربدي .....من جد طاح في اسد ملكع لديه القوه ولم يلجا لها فسلك الحيله والقصه طريفه ولها من المعاني الكثير لكن تشبيه جدنا جد الربدي نصيحه لكم حتى لاتصيرون مثل ...... اي منهم.....وقد استخدم الحيوانات مجازا في القصص ككليله ودمنه حيث نهج القاص في ذلك الوقت للتعبير بحريه لخوفه من بطش الحاكم عند ملامسة سيرته تكرمون وسلمنا عليه وحياك بعد طول غيبه |
< حياك الله ياعاشق نجد ,, الله يسلمك ويسلم ولد الربدى , لاتبطى علينا ترانا ننتظرك ,, ياهلا
|
< هذا اسد مو حمار :c040: قلبه صاحي الله يعطيك العافية عاشق نجد سوالفك زينه |
< جلمود حد الرهيف ولد العناقيد الله مير يسلمن ويسلمكم ماعليش اكتب خطابي ومعروضي وانا متلطم من هالعجاج اللهم عافنا وابشركم قزاز الهايلوكس :e0025: مكسور وذبحن الغبار بخشتي اجل لوشفتو ولد الربدي وشكله :a042: تقل جني لكن غلاكم خلان اقلط عليكم والله يانفود الثويرات ماتنشاف سريت البارح وضيعته اليوم يالله القدات غديني ادله واقابل ولد الربدي تدرون ليش لنه يرتاح لي شاف عاشق نجد |
< هههههههههه سبحان اللي جمعكم |
< الحمار حمار من جده بيلحق الأسد !!! مشكور "عاشق نجد" |
< حمار جد ولد الربدي شكله محنط الله من ..... كيف الحال عاشق نجد |
< عليك قفشات غريبة الله يستر عليك |
< ههههههههههه هلابك ياعاشق نجد اسفر المنتدى وانور ياحيالله الكاتب المتميز اسلوبك يأسر القارئ |
< اقتباس:
وأنا أقول ماعليك زود ماأنت بعيد من خويك :c040: |
< قصة طريفة مشكور عاشق نجد
|
< الله مير يسلمن ويسلم من قلط علينا ياكثركم :a040: وين ولد الربدي غديه يفزع معي يجيب لنا حاشي من عند ولد امير الشمل تستاهلون الكرامه قولو تم تم مع انه سافر (واحد يبي يصرف ) لدراسة كن به علم على باله بيفلح من شاف هايلوكسوه :e0025: المقربع وبعيراته اللي بالصندوق درا ماوراوه فود المها شارب دهن :h050: قصدي شارد ذهن هذال راشد السبيعي راعي الشعيب :c025: ولد بداح محمد القباني خالد السبيعي مرسي ثنكيووووووو :a042: |
< آسف اثري رديت منقبل يالله ماعاد يمدين ارجع ريوس قير الهايلوكس :e0025: خربان |
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by