البعد نار وطاعة العذل كبريت
<
البارحة ربي كتب لي ومريت=دربٍ عليه بروق الأحباب لاحت جيت المكان اللي جمعنا وخفيت=وقامت جروحي للجوارح وصاحت ياليتني في لفة الدرب زليت=كان العيون من الدموع استباحت التم غيم الدمع من يوم لفيت=وورقا القصيد لشوفة الغيم ناحت وضحكت ماأبغي الناس تدري يبالفيت=لكنها غصبٍ على العين ساحت حارت دموعي في عيوني وصديت=وأرمشت مابيها تبيّن .. وطاحت وعقبه برق في العين براق .. واسقيت=خدي ووناتي بصدري تلاحت وأنا أحسب إني في فراقه تشافيت=وان عبرتي من مدخل الزاد زاحت اللي يحسب إني على البعد سجيت=والا ان عيوني للرقاد استباحت ياليتني من قبل لا أحبه اقفيت=والا ان دروبي عن دروبه تناحت أهون علي من البكا والتناهيت=وأشلا من سدودٍ على الناس باحت عرفت كيف الحي يفرق عن الميت=وعرفت قيمة نعمتي يوم راحت قولوله اني عقب بعده تدانيت=ورجلي عن دروب المعافين شاحت البعد نار وطاعة العذل كبريت=يقصر على بعده .. ترى الكبد فاحت الشاعر / محمد بن فطيس |
< صح لسان الشاعر ولاهنت يابوخالد
وبن فطيس متمكن لكن لو انه موجود هالسنة ماهقيت ان البيرق من نصيبه |
< اقتباس:
مرحبا بك ولد بداح مشكور على المرور الطيور طارت بأرزاقها ويستاهل بن فطيس البيرق شاعر جميل |
< صح لسان الشاعر بن فطيس ولسانك
|
< صح لسانك ابوخالد ولسان المرى
|
< اقتباس:
صح بدنك يالعروان تحياتي لك لمرورك الكريم |
< اقتباس:
صح بدنك حد الرهيف مشكور طال عمرك على التواصل |
| الساعة الآن 01:43 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by