الله مير يسلمن ويسلمكم
مبطي ماجنحت لمكم مير اعذرون :f055:
هالخبل ولد الربدي بالمستشفى وصارت تكربن الزرقه لم الرياض
تخبرون شافط عج :c040:
هاليومين جتنا غبرة والعياذ بالله بالقصيم ياويلي الخيمة الي بالنفود طارت
ولاندري وينهيبوه حتى الهايلوكس :e0025: ماسلمت
المهم والزبدة
كان ياماكان في زمان مبطي
يوم كنا بالبر حول نفود الثويرات مسوي فيها صقار :d065:
مير وانا اعطي دروس خصوصيه في الصقاره
المهم يعني كنت اقوى واحد بالنفود وكانت سمعتي زينه
قبل اتعرف على ولد الربدي
الي حولنا من البدو ماصدقوا خبر اجتمعوا علشان يختارونن فارس
للقبيله الي بينشئونه بمساعدة من ولد امير الشمل
طبعن هاك الوقت مابوه (شركة زغبي ) حقت الهلال والله ياهيى مسخرة مافوقه مسخرة هي واستفتائه تهك علينا وحنا نصدقه ولا بوه انتخابات ولا اتصالات عطلانه او هي مشغولة الشبكة ولا وجع راس كان الرجل المناسب في الرجل المناسب
مثلي طبعن :a018:
المهم وقع الاختيار علي عشان اصير فارس القبيله
ياحظي
وانا الي من الفرح قلت اشاور المستشار الخاص صديقي رفيق الدرب هاه وش رايك وش تبينا نسوي
وهو الي يشير علي بقامة حفلة
ومن الفسقه :a042: وانا اقوم اركض وامسك هااك البعير القعود (ذكرن بعيرات ولد امير الشمل الله يذكره بالخير مدري وش علومه ) مير وامسكوه من بين عيال عموه واسدحوه وانحروه واعشي بوه الربع
طبعن تعرفون البدو فسقه ان ماصلخت له بعير ماحب خشمك :a026:
المهم واجيب لهم دي جي علشان نفرفش
ومن بكره الصبح وانا الي اودي اخواني الوغادين للكتاتيب يدرسون ومن وراي مريت الغدير
وطبعن انا الحين صرت اشهر واحد والكل يعرفن
مير وانا ابدي بشغل التحرش
كل بنات برنا يخزونن ويظهرون مفاتنهم لي
طبعن المفاتن سابقن هو السروال المخطط الابيض والاحمر (تقل طقم فريق الوحدة ) مابعد طاحوا في السليكون وتنفيخ الخدود (صفقون ان عرفه ولد امير الشمل ) :c040:
وانتم تعرفون الواحد اذا انشهر كثروا اعداءه عشان كذا طلع كلام في القبيله اني راعي غزل ومااستحي الحق النساوين عند الخياط
طبعا كله اشاعات اصدره ولد الربدي
وصارت ياحول سوالف ضحى
الزبدة والقشطة
اجتمعوا اخواني وعيال عمي عشان يوقفون هالاشاعات
وبوه واحدن منهم جاب العيد وقال احسن شي نزوجه وهذا الي قاهرن مابي اتزوج
تمشيه وهجوله مع ولد الربدي وبعض الناس تسوى شين كثير
المهم زوجون نمشه بنت ابوها :a038:
رضيت بالامر الواقع
لو حنا بهالوقت الحالي كان زوجونن وحده مثل الي تخبرون
المهم غزى علينا مشعان الاحول اشهر هكر بعيرات بالنفود وسرق بعيرات القبيله كله
وقتها كنت مسافر لشهر العسل ومارجعت الا الصبح ويوم جيت الا البعيرات ماهي بوه والنفود يرثى لها الحليب قده بيخلص معاد بقى من المخزون الاستراتيجي الا سطل واحد :g035:
والوغادين مئيسين وماحولهم احد
مير يوم جيت الا كلن يطنب بالصياح تكفى يا مانيب قايل لكم اسمي (واحد غبي)
قلت لهم خلوها العصر انا بنام شوي وبريح
قالوا ترى نبي نسحب المميزات منك على بالهم يهددونن
عاد وشهي هالمميزات منها اشتراك انترنت مدى الحياه خصم 50% في مطعم برج الحمام اللي بالرياض وبوه مفاوضات يخلونه ببرج الشنانة بالقصيم قريب من الشله :c040:
هذا بالاضافه الى خط ذهبي وبلايستايشن العب بوه انا وولد الربدي
المهم واعتزي هاك العزوه اللي مابعد سمعها احد حتى ولد امير الشمل
والله نسيتها والا كان قلتها لكم
مير تجيكم السبحانيه وألحق مشعان الاحول لحق وانتصافق انا وياوه بهاك الشعيب واشيلوه وامحط بوه :a045: ولا جاء المغرب الا انا عند اهلي بالبعيرات كله
مير ويسفهلون الربع كلهم ومع هالفرح ونشوة الفوز وهي الي تخمن :e025: هاك الريم (دلحى ياخيي) وتمطخن قالت ولدي ذا ترى بسميه عليك
انا بغيت اكمل لكم السالفه ونسيت الباقي
بعد هالمطخة الي ذاب منه
عاشق نجد

شافط عج
الله يخلف على أم جابتك أنت وخويك

اجل الله يعينه على الربو ادهن صدره بزيت فرامل

قصة جميلة وطريفة اما خويك اللي شافط عج تبي الراي خذه بالهايلوكس وهات للرياض ودواه عندي

ياكثركم توي ادري ان القطعه شينه

ولد بداح سلامك وصل ولد الربدي :a102:

محمد القباني الله يسمع منك :a0400:

حد الرهيف الشر مايجيك لاتخاف ولد الربدي عنده مناعه هو ووجه :a026:

خالد السبيعي وانت الصادق زيت دركسون هايلوكس :e0025:

مهنا لاماعليك دواه عندي وانا ابوهندي :h035:

راشد السبيعي يتحدر بالعافية :a040:

ولد العناقيد تبي سطر قصدي سطل الوعد فجر الخميس بالربوة :f055:

راع الشعيب ولد بداح ماهي قطاعة ولا الهتن الرطيبات مير ولد الربدي هماوه شافط عج
انشغلنا بوه الله لايشغلن الا بطاعتوه