شاعر ٍ ما يعد القاف لا قاله=لا يهمك نشيده خله التالي
والعدو ما يجيله فوقنا طاله=في اللقاء نحمد الله حظنا عالي
لا نوينا لدرب ٍ فيه صمّاله=ما نطاوع حكايا كل عذالي
من على جدنا حنا هل الطاله=ما خذينه بضرب السيف ورجالي
ريضين ٍ نغرس الحيش في جاله=والوطن دونه العقال جهالي
لا بدا له لزوم ٍ حالنا حاله=نجلب الروح دونه نرخص الغالي
من بغانا ترانا فيه نزاله=لا فنت صفة ٍ يفتكها التالي
جدنا من قديم ٍ بانت أفعاله=يوم عصر الجهل كسبه بالأفعالي
لا جرى جاري ٍ منّاب عذاله=لاد قبان للعدوان سلالي

الشاعر / راشد بن محمد بن سياف القباني

صح لسان الشاعر راشد بن سياف ومشكور يامحمد على حفظك لهذه القصائد وايصالها للجميع

لاهنت يامحمد على المشاركة ورحم الله الشاعر راشد بن محمد القباني

رحم الله امواتنا واموات المسلمين واسكن الله الشاعر راشد الجنة
تسلم محمد القباني على المشاركة

مرحبا فيك أخوي ولد العناقيد وأشكرك على تواصلك ومرورك الكريم ومانقدمه هو رد جميل لشعراء القبابنة الذين خلدوا لنا قصائد لازالت عالقة بالأذهان قصائد تمجد القبيلة وتحكي الدور الذي مر بها في حلهم وترحالهم فرحم الله من توفى وأسكنه فسيح جناته وأطال الله في عمر الأحياء

صح بدنك

ولاتهون ياخالد
تحياتي لك

صح بدنك بدر
أشكرك على مرورك

اللهم آمين
الله يسلمك ياطويل العمر بعيد المطاريش
تشرفت بهذا المرور
تقبل تحياتي

الله يغفر له ويرحمه والله يبارك فيك يابوخالد على هذا الجهد

صح لسانك يالشاعر

صح بدنك وماعليك زود بن الغلبا
تحياتي العطرة لك