عطني اسمـك وخذ اسـمـي .. !
<
بسم الله الرحمن الرحيم
السلام عليكم ورحمه الله وبركاته أكتب هذا الموضوع بقصد الطرفة و رسم البسمة .. جلست مع الزملاء الذين سبق لهم الدراسة في لبنان فكنت أحب أن اثيره بطريقة تساعدني على أخراج ما في جعبته من شعور وكلمات قلت له يا أخ ابو يزيد ماهو الفرق بين الدارسة عندنا وعندهم .. انا اشوفها مافيه فرق ؟؟ سؤال بريء قال لي : انت صاحي اطقك يا القباني علشان تعرف . كل شي مختلف في لبنان يا اخي تعال ..انت تطلع البر وش تشوف .. قلت: صحراء وحصى ورمال وجبال .. قال : أدري ادري لكن وش بعد .؟ قلت : مااتذكر شي قال اكيد ما تتذكر مافيه شي ياحسرة ، لكن في لبنان شي ثاني شوف معي يالقباني .. تطلع البر عندنا تشوف رمث حنظل سحالي جرابيع << وتنحاش منك بعد لها وجه . غير الغبار واحد يزعجك .. في لبنان سنجاب - زهور الياسمين - كرز شجر الزيتون - غزال صغير تعطيه قطعة بسكوت يأخذها منك بكل بساطة ولا يشك فيك . قلت : يا ابو يزيد الدعوة الواحد يحصر تفكيره في الماديات .. رد علي قائلا : نعطيك شي ثاني انت تطلع تتنقل من بلد إلى بلد من دير الزور إلى تل الزعتر إلى صيدا بيروت مرج عيون اسامي حلوة جميلة تعكس الجمال والطبيعة .. أما عندنا تمشي50 كلم تطفش وتزهق ، وش عاد تقابل أسامي تروع وتخوف ام الجماجم ، دغيليب الوجعان - شعبة نصاب - أم حليبان - أم قرين - الواحد كأنه في صراع سياسي . انا في نفسي ما قدرت الرجال قوي حجة . لو تطلع مقناص في البر مثلا في لبنان وتصيد حبارى مثلاً وتشق البطن تلقى وسطها عنب وكرز وفراولة اما حبارينا وش فيها غير الجراد والنمل . أما الاسامي عندهم واحد عمره 55 سنة وهو جـد واسمه فادي و شوكت عندنا عمره 7 سنوات اسمه طلق وثاني صعفق .. غصب يجينا اكتئاب ونكران الذات ويعيش صراع من نفسه .. لا تقلب المواجع يالقباني قلت : انا بالنسبة لي اعيش في لبنان مرتاح اسمي يساعدني . قال : يا حظك عطني اسمك يالقباني وخذ اسمي خلني اعيش لبناني |
< والله ياقباني موضوعك حلو وممتع وكل الي قلتوه صحيح بس وش نسوى هذى ديرتنا وهاذى اسامينااا ودناا بالحياه الشليه بس ماحصل الحمد لله ع كل حال شى اهون من شى تقبل مرورى |
< اقتباس:
روح القصيد ما تبون الواحد يوسع الصدر ويحلم الواحد طفش مل طق صار يكلم نفسه اشكرك على المداخلة الرائعة وتقبلي ردي هذه الطريف مع تقدير أخوكم القباني |
< اقتباس:
روح القصيد ما تبون الواحد يوسع الصدر ويحلم الواحد طفش مل طق صار يكلم نفسه اشكرك على المداخلة الرائعة وتقبلي ردي هذه الطريف مع تقدير أخوكم القباني |
< العفوو تسلم اخوى |
< القباني الله مير يسلمك و يعز السعودية وأهلها
جربوع واحد من جرابيعنا يسوى عندي ميتين غزال في وسطها فراولة وبرتقال وضبنا لا جا و وجة مشهب يسوى عندي نانسي والي خلفها والسلام عليكم |
< أهم شي المرجلة والعلوووم الطيبة وكل الأشياء الثانيية كماليات.. |
< الدعوة سعة صدر يا اخوان وكل ميسر لما خلق له .. السعودي ما يقدر يعيش في لبنان واللبناني ديرته تسوى عنده كل الدنيا . |
| الساعة الآن 03:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by